వాళ్ల మధ్య ముద్దులు, హగ్గులూ నేరం కాదట!

ప్రేమికుల మధ్య ముద్దులు, హగ్గులూ సహజమేనని, అది నేరం కాదని మద్రాస్‌ హైకోర్టు సంచలన తీర్పునిచ్చింది. ముద్దులు, హంగులను నేరంగా పరిగణించలేమని అభిప్రాయపడింది. లైంగికంగా వేధించాలనే ఉద్దేశంతో అలాంటి చర్యలకు పాల్పడితే నేరమేనని స్పష్టం చేసింది. ఓ యువకుడిపై నమోదైన లైంగిక వేధింపుల కేసును మద్రాస్‌ హైకోర్టు కొట్టివేసింది. అభియోగాలు ఎదుర్కొంటున్న యువకుడు 19 ఏళ్ల యువతితో నాలుగేళ్లుగా ప్రేమలో ఉన్నాడు. ఒకరోజు యువతిని ఒక ప్రాంతానికి పిలిపించి చాలా సేపు ఆమెతో ఉన్నాడు. ఈక్రమంలో ఆ యువతిని కౌగిలించుకొని ముద్దులు పెట్టుకున్నాడు. ఆ తర్వాత యువతిని దూరం పెడుతూ వచ్చాడు. తనను పెళ్లి చేసుకోవాలని యువతి కోరడంతో ముఖం చాటేశాడు. దీంతో యువతి అతడిపై పోలీసులకు కంప్లైంట్‌ చేసింది. ఈ కేసును విచారించిన జస్టిస్‌ ఆనందర్‌ వెంకటేశ్‌ యువకుడిపై లైంగిక వేధింపుల అభియోగాలు సరికావన్నారు. ఈ కేసులో క్రిమినల్‌ ప్రొసీడింగ్స్‌ కు అనుమతిస్తే చట్టాన్ని దుర్వినియోగం చేసినట్టేనని సంచలన కామెంట్‌ చేశారు.