లావా నుంచి ఎంట్రీ లెవల్ స్మార్ట్‌ఫోన్! ఫీచర్లివే..

దేశీయ మొబైల్ బ్రాండ్ లావా వరుసపెట్టి మొబైల్స్ లాంచ్ చేస్తుంది. రీసెంట్‌గా ‘లావా ఓ2’ పేరుతో ఓ ఎంట్రీ లెవల్ ఫోన్‌ను రిలీజ్ చేసింది. ఈ ఫోన్ ఫీచర్ల వివరాల్లోకి వెళ్తే..

లావా నుంచి ఎంట్రీ లెవల్ బడ్జెట్ స్మార్ట్ ఫోన్‌గా ‘లావా ఓ2’ లాంచ్ అయింది. ఈ మొబైల్ 8 జీబీ ర్యామ్ విత్ 128 జీబీ స్టోరేజీ వేరియంట్ ధర రూ.8,499లుగా కంపెనీ నిర్ణయించింది. లాంచింగ్ ఆఫర్ కింద రూ.500 కూడా డిస్కౌంట్ కూడా ఉంది. ఇకపోతే ఈ మొబైల్.. యూనిసోక్ టీ616 ఎస్వోసీ ఆక్టాకోర్ ప్రాసెసర్‌‌పై పనిచేస్తుంది. ఆండ్రాయిడ్ 13 ఓఎస్‌పై రన్ అవుతుంది.

లావా ఓ2.. డిస్ ప్లే విషయానికొస్తే.. ఇందులో 6.5 అంగుళాల హెచ్ డీ+ డిస్‌ప్లే ఉంటుంది. ఇది 90 హెర్ట్జ్ రీఫ్రెష్ రేట్‌ను సపోర్ట్ చేస్తుంది. 269 పీపీఐ పిక్సెల్ డెన్సిటీ కలిగి ఉంది. ఇక కెమెరాల విషయానికొస్తే.. వెనుకవైపు ఎల్ఈడీ ఫ్లాష్‌తోపాటు ఆర్టిఫిషియల్ ఇంటెలిజెన్స్ ఫీచర్స్‌తో కూడిన 50-మెగా పిక్సెల్ డ్యుయల్ కెమెరా యూనిట్ ఉంటుంది. ముందువైపు 8 -మెగా పిక్సెల్ సెల్ఫీ కెమెరా ఉంటుంది.

ఈ మొబైల్ 5000 ఎంఏహెచ్ కెపాసిటీ బ్యాటరీతో వస్తుంది. ఇది 18 వాట్ ఫాస్ట్ ఛార్జింగ్ సపోర్ట్ చేస్తుంది. సింగిల్ చార్జింగ్‌తో 38 గంటల టాక్ టైం, 500 గంటల వరకూ స్టాండ్ బై టైం ఉంటుందని కంపెనీ చెప్తోంది. ఇకవీటితోపాటు ఈస్మార్ట్‌ ఫోన్‌లో సైడ్ మౌంటెడ్ ఫింగర్ ప్రింట్ సెన్సర్, ఫేస్ అన్ లాక్, వర్చువల్ ర్యామ్ , మైక్రో ఎస్‌డీ కార్డు సపోర్ట్, 4జీ ఎల్‌టీఈ, 3.5 ఎంఎం ఆడియో జాక్, బ్లూటూత్ 5.0, జీపీఎస్, ఓటీజీ, వై-ఫై 802.11 వంటి ఫీచర్లు ఉన్నాయి. ఈ మొబైల్ ఇంపీరియల్ గ్రీన్, మెజిస్టిక్ పర్పుల్, రాయల్ గోల్డ్ కలర్ ఆప్షన్స్‌లో లభిస్తుంది. ఈ నెల 27 నుంచి అమెజాన్, లావా ఇ–స్టోర్ ద్వారా సేల్‌కు అందుబాటులో ఉంటుంది.