'సప్తపదులు'

మడి

తడి

అంటుంటే మరి దాటలేవు అస్పృశ్యపు దడి

- ఆర్ .వి.శామ్యూల్ (మెదక్ )

.*************

ఎండాకాలం

వర్షాకాలం

ఎంతకాలం ఉంటాయో తెలియట్లేదు ఈ కలికాలం

-బాలసుబ్రహ్మణ్యం మోదుగ

(గుంటూరు)

************

సెల్లు

సొల్లు

జీవితంలో ఆనందాల్ని,అనుబంధాల్ని చేస్తాయి నిల్లు.

- యార్లగడ్డ శ్రీరంగలక్ష్మి,

(విజయవాడ-8)

***************

బడి

గుడి

ఉన్న ఊరిలో ఎంతో సందడే సందడి

- ఎమ్.హేమలత

(విశాఖపట్టణం)

****************

నమస్కారం

సంస్కారం

ఎదుటి వ్యక్తిని గౌరవిస్తూ సహృదయ సత్కారం

-గుండాన జోగారావు

(సింహాచలం)

**************

స్వార్థం

అనర్థం

పరోపకారమే కావాలి మనిషి జీవితానికి పరమార్థం!

- సి.హెచ్.బృందావన రావు

(అహమ్మదాబాద్)

**************

కూడు

గూడు

లేని బడుగు జీవులకు తప్పదు గోడు

-తెలికిచెర్ల విజయలక్ష్మి

(హైదరాబాద్)

************

తమస్సు

మనస్సు

నీ లోలోపలికి చొచ్చుకుపో

దొరుకుతుంది తేజస్సు.

-ఆసు కవిత

( హైదరాబాదు)

**************

నిప్పు

ఉప్పు

కలిసినట్టున్న దాంపత్యం అందరికీ ఆసాంతం పెనుముప్పు

- శాంతమూర్తి

(హైదరాబాద్)

**************

సప్తపది

జీవనమది

ఏడు - పదాలు కలిసి నడయాడే సుధామధురమది

- ఆకెళ్ళ

సూర్యనారాయణ మూర్తి

(హైదరాబాద్)