సప్తపదులు (వినూత్న లఘు కవితా ప్రక్రియ)

వివిధ కవుల సప్తపదులు

అహంకారం

మమకారం

సత్యాగ్నిలో దగ్ధమయితే కలుగును ఆత్మ -సాక్షాత్కారం

-వి శ్రీనివాస మూర్తి

(హైదరాబాద్ )

నిన్ను

నన్ను

విడదీసే విద్వేషాల

వెన్నుపై - ఎగిరి తన్ను!

-ఎన్.ఆర్.తపస్వి

(చెన్నై )

మాట

పాట

బాగుంటేనే విజయవంతం అవుతుంది చలనచిత్రం ఆట.

-జి.రంగబాబు

(అనకాపల్లి)

కోపాలు

తాపాలు

దరిజేరనీకు,వాటి -దుష్ఫలితాలను తుడిచెయ్యలేవు -పశ్చాత్తాపాలు!

-బృందావన రావు

(అహ్మదాబాదు )

కానున్నది

రానున్నది

ముందుగా తెలిసినచో జీవితమున కుతూహలం ఏమున్నది?

-డి .చంద్రకళ

(మల్కాజిగిరి )

ఆశా

నిరాశా

జీవితం తూగుటుయ్యేల ఊపేవు

ఈశా పరమేశా !

-పట్నాల ఈశ్వరరావు,

(విజయనగరo )

కలం

హలం

మొరాయిస్తే సమాజానికి వస్తుంది పోయే కాలం

-కె.వి.ఎస్. యోగానంద్

(హైదరాబాద్)

పవనం

కవనం

ఆస్వాదించే జీవనం ప్రతి నిత్యమూ నందనవనం!

-శ్రీమతి భారతీకృష్ణ

(హైదరాబాద్)

కష్టం

నష్టం

నిభాయించుకుని నిలబడితేనే కలుగుతుంది బ్రతుకంటే ఇష్టం.

-క్రొవ్విడి వెంకట బలరామమూర్తి

(హైదరాబాద్)

ఇంట

వంట

లేనివాటిని సాధించగలిగితే పండిస్తారు విజయాల - పంట

-పొత్తూరి సుబ్బారావు

(హైదరాబాద్)

సృజనకర్త :సుధామ