జయహో శోభకృత్!!

శోభకృతమా జయహో జయహో 

జయ జయ జయ జయహో 

సుకర్మములు

జరిపించుటకు జయం

సుభాషితములు

పలికించుటకు జయం

సత్సంబంధములు

పెంపొందించుటకు జయం

సత్సాంగత్యములు

కల్పించుటకు జయం

విరోధములను

తొలగించుటకు జయం 

వినాశనములను

అరికట్టేందుకు జయం

సిరిసంపదలు

సమృద్ధిగా పెరుగుటకు జయం

ఆకలిదప్పులతో

అలమటించకుండుటకు జయం

మమతానురాగాలు

అల్లుకొనుటకు జయం 

సాటి మనస్సులు

గెలుచుకొనుటకు జయం 

భువిలో అలజడులు

రేగకుండుటకు జయం

వివేకముతో విచక్షణతో

ప్రవర్తించుటకు జయం 

విద్యావిజ్ఞాన వికాసముల

ఉన్నతికి జయం

సంపూర్ణ మానవుడిగా

జీవించుటకు జయం 

ఆయురారోగ్య వంశాభివృద్ధి

జరుగుటకు జయం

విశ్వమానవ కళ్యాణమునకు

జయం జయం 

శోభకృతములకు మము ప్రేరేపించవమ్మా 

ఆవహించవమ్మా ఆహ్వానమమ్మా ఆహ్వానం!

– రవి కిషొర్ పెంట్రాల,

(లాంగ్లీ, లండన్)