సంవాదం (కవిత)

అతనడిగాడు

నేను ఇంగ్లిష్ ను ఎందుకు వ్యతిరేకిస్తానని

ఇంగ్లిషే నన్ను వ్యతిరేకిస్తుందని

జవాబిచ్చాను

మరి నీకు ఇంగ్లిష్ బాగా వచ్చుగదా

అన్నాడతను

చిరునవ్వు నవ్వాను

నా నవ్వుతోనే అతనికి అర్థమైంది

ఇంగ్లిష్ మాట్లాడుతున్నానంటే

నాకు నేనే వ్యతిరేకమని

అయితే నువ్వు రాజుకు కూడ వ్యతిరేకమేనా

అడిగాడతను

దానికి జవాబు సులభం

ఇక చాలు పోవోయ్

అని నన్ను నేను రక్షించుకోవచ్చు

కాని మర్యాద తెచ్చిపెట్టుకుని

నువ్వెంత అందంగా ఉన్నావు అన్నాను

విసిగిపోయి అతనన్నాడూ,

అయితే నువు ప్రతిదాన్నీ

ఎదిరిస్తావన్నమాట

బహుశా నువు కవివేమో...

హిందీ మూలం - లాల్టూ

తెలుగు: ఎన్ వేణుగోపాల్