నా అన్వేషణ (కవిత)

అను నిత్యం అన్వేషిస్తాను

ఓటమిలో గెలుపు తొవ్వకై

అంధకారంలో ఆరిపోని

అఖండ దివ్వెకై

ఈ సమాజమనే పాల కడలిని

చిలుకుతుంటాను

హాలాహలం పారబోసి

అమృతం పంచుకోవాలని

అను బంధాల బాటలో

అను రాగాల వేట సాగిస్తాను

కంటకాలు ఏరి పారేసి

కుసమాలు కోసుకోవాలని

అలసటతో ఆగి పోయినా

ఆశల కషాయం తాగేసి

నిరాశకు నిర్మొహమాటంగా

వీడుకోలు చెబుతాను

వృద్ధాప్యపు వడలిన

చర్మంలో జవ సత్వాలు

నింపుతూనే ఉంటాను

నా ఆఖరి మజిలీ వరకు.

-దుద్దుంపూడి. అనసూయ