తెలంగాణ మా భాగ్యఫలం

త్యాగధనుల త్యాగఫలం

సిద్దించిన ఉద్యమఫలం

ఇన్నేళ్లు వేచిన పుణ్య ఫలం

బంగారు తెలంగాణ మా భాగ్యఫలం

దివ్యక్షేత్రాల దైవ నిలయం

భాషా సంస్కృతుల భావ నిలయం

సాంప్రదాయాల సౌరభం

బతుకమ్మ బోనాల సంబురం

ఉద్యమాల పోరుగడ్డ

పోరాటాల పురిటిగడ్డ

సింగరేణి సిరులగడ్డ

తెలంగాణ ఖనిజాల అడ్డ

కాళోజీ యాస దాశరథి భాష

సినారె కవిత జ్ఞానపీఠ గ్రహీత

సబ్బండ వర్గాల సమరస వేదిక

బంగారు తెలంగాణ భవ్య చరిత

పురోగతి కై పయనించే నెరజాణ

కోటి కాంక్షల బంగారు తెలగాణ

సుభిక్ష జీవన మధుర మాగాణ

నా తెలంగాణ కోటి రతనాల వీణ !

- బోయ వెంకటేశం

(గోటిగార్ పల్లి,సంగారెడ్డి జిల్లా)