*e కాలపు రాణి చరవాణి...

కలియుగపు ఆకాశవాణి ఈ చరవాణి...

ఈ కాలపు సంజీవని ఈ చరవాణి...

అన్నింటిని తినేసి...

అన్నీ తానై

అందరికి అత్యవసర అవయవమై

అందరిని తన చుట్టూ తిప్పుకుంటున్నా

ఆన్లైన్ రాణి ఈ చరవాణి...

బంధాలు అనుబంధాలు...

బాధలు బోధలు...

నవ్వులు పువ్వులు...

అన్నీ ఇచ్చే అల్లావుద్దీన్ ఆన్లైన్ దీపం ఈ చరవాణి...

మాయలేదు.

మంత్రం లేదు

ఏడు సముద్రాలు దాటాల్సిన పనే లేదు

మనిషన్నోడి ప్రాణం

చరవాణి చిలకలో దాక్కుంది...

చరవాణి సంకెళ్ళకు

శాశ్వత ఖైదీ

ఈ మనిషి...

- అభిరామ్