ప్రశంసనీయం

అండం గువ్వలా ఎదిగి

అంబరాన్ని చుంబించడం

శ్లాఘనీయం

బీజం పాదపమై విస్తరిల్లి

పచ్చగా శోభిల్లడం

ప్రశంసనీయం

కుట్మలం కుసుమమై

కుశల మంది

పరిమళమై ప్రసరించడం

అభినందనీయం

వాగు తటినిలా

తారుణ్యం పొంది

రత్నాకర పరిష్వంగంలో

రాణిల్లడం

స్తవనీయం

వంశాంకురం

వంశాబ్ధి చంద్రునిగా వర్ధిల్లి

వాసికెక్కడం

అభివందనీయం

అక్షరం వాక్యమై వర్ధిల్లి

ప్రజా కావ్యమై ప్రభవించడం

ఆదర్శనీయం

ప్రాణమున్నంత కాలం

ప్రగతి కై ప్రయత్నించే

మనిషెoతో మాననీయం

-ఎ . గోపీనాథ రావు