విశాఖ- విజయవాడ మధ్య కొత్తగా రెండు విమాన సర్వీసులు

విశాఖపట్నం- విజయవాడ మధ్య కొత్తగా రెండు విమాన సర్వీసులు అందుబాటులోకి వచ్చాయి. విశాఖ విమానాశ్రయంలో ఎయిర్‌ ఇండియా ఎక్స్‌ప్రెస్‌ విమాన సర్వీసును కేంద్ర పౌర విమానయాన శాఖ మంత్రి రామ్మోహన్‌నాయుడు ప్రారంభించారు. ఎయిర్‌ ఇండియా ఎక్స్‌ప్రెస్‌ సర్వీస్‌ ఉదయం 9:35 గంటలకు విశాఖలో బయలుదేరి 10:35కు విజయవాడ (గన్నవరం విమానాశ్రయం) చేరుతుంది. తిరిగి రాత్రి 7:55 విజయవాడలో బయలుదేరి 9 గంటలకు విశాఖ చేరుతుంది.

ఇండిగో సర్వీస్‌ రాత్రి 7:15 విజయవాడలో బయలుదేరి 8:30 విశాఖ చేరుతుంది. అదే సర్వీస్‌ తిరిగి రాత్రి 8:45కు విశాఖలో బయలుదేరి 9:50కి విజయవాడ చేరుతుంది. ఈ కొత్త విమానాలతో కలిపి విశాఖ-విజయవాడ మధ్య తిరిగే సర్వీసుల సంఖ్య మూడుకు చేరనున్నది.