'తండేల్‌'గా నాగచైతన్య.. ట్రైలర్ అదుర్స్‌
వాస్తవ సంఘటనల ఆధారంగా దేశభక్తి అంశాలతో నిండిన ప్రేమకథ తెరకెక్కిన మూవీ
నాగచైతన్య, సాయిపల్లవి జంటగా నటించిన మూవీ 'తండేల్‌'. చందు మొండేటి దర్శకత్వం వహించాడు. వాస్తవ సంఘటనల ఆధారంగా దేశభక్తి అంశాలతో నిండిన ప్రేమకథ తెరకెక్కిన ఈ సినిమా ఫిబ్రవరి 7న ప్రేక్షకుల ముందుకు రానున్నది. ఈ సందర్భంగా వైజాగ్‌లో నిర్వహించిన వేడుకలో చిత్ర బృందం తండేల్‌ ట్రైలర్‌ను రిలీజ్ చేసింది. ఆద్యంతరం ఉత్కంఠ రేక్కెత్తించే విధంగా రూపొందించిన ట్రైలర్ తండేల్‌పై అంచనాలను రెట్టింపు చేస్తున్నది. రాజు ఊర్లో అందరూ ఎటెటో మాట్లాడుకుంటున్నరు రా, మన గురించి మాట్లాడుతున్నరంటే మనం పేమస్‌ అయిపోయినట్టేనే ,ఇప్పడేటంటావే అందరూ ఏదో అనుకుంటున్నారు కదా అని నిజం సేసేస్తే ఎలా ఉంటది, ఏడు సముద్రాల అవవత ఉన్నా ఎత్తుకుని వచ్చి ఇక్కడ పడేస్తా అని సాయపల్లవి, నాగచైతన్య చెప్పిన డైలాగ్స్‌ ఇంట్రెస్టింగ్‌గా ఉన్నాయి. ఈ శివరాత్రి పండుగ నుంచి రాజుగాడే మన తండేల్‌. ప్రమాదం అని తెలిసినా తన మంది కోసం ముందుకు అడుగు వేసినోడే తండేల్‌ అనే డైలాగ్స్‌ బాగున్నాయి. తండేల్‌ అంటే లీడర్‌ . నాగచైతన్య మాస్‌ లుక్‌, ఉత్తరాంధ్ర యాసలో చెప్పిన డైలాగ్స్‌ అందరినీ ఆకట్టుకునేలా ఉన్నాయి.