హైదరాబాద్‌లో అగ్నివీర్‌ రిక్రూట్‌మెంట్‌ ర్యాలీ ఎప్పుడంటే ?

నిరుద్యోగులకు ఆర్మీ రిక్రూట్మెంట్ బోర్డు గుడ్ న్యూస్ చెప్పింది. హైదరాబాద్‌లో డిసెంబర్ 8 నుంచి 16 వరకు అగ్నివీర్' రిక్రూట్మెంట్ ర్యాలీ జరగనుంది. గచ్చిబౌలిలోని జీఎంసీ బాలయోగి స్టేడియంలో నియామక ర్యాలీ ఉంటుందని ఆర్మీ రిక్రూట్మెంట్ బోర్డు అధికారులు తెలిపారు. ఈ నియామకాల్లో భాగంగా అగ్నివీర్‌ జనరల్‌ డ్యూటీ, అగ్నివీర్‌ టెక్నికల్‌,అగ్నివీర్‌ క్లర్క్‌/ స్టోర్‌ కీపర్‌ టెక్నికల్‌, అగ్నివీర్‌ ట్రేడ్స్‌మెన్‌ కేటగిరీల్లో భర్తీలు చేయనున్నారు.

పదో తరగతి అర్హతగా ఉండాలని పేర్కొన్నారు. తెలంగాణ, ఏపీ, తమిళనాడు, పుదుచ్చేరి( కరైకల్‌-యానాం ) మహిళా మిలటరీ పోలీస్‌ అభ్యర్థులు.. 2024 ఫిబ్రవరి 12వ తేదీ నాటి ర్యాలీ నోటిఫికేషన్‌ ప్రకారం అవసరమైన అన్ని సర్టిఫికెట్స్ కంపల్సరీ తప్పనిసరిగా తీసుకురావాలని అధికారులు సూచించారు. ఈ రిక్రూట్‌మెంట్‌ ప్రక్రియ పూర్తి పారదర్శకంగా జరగుతుందని అధికారులు తెలిపారు. నియామక ర్యాలీలో ఉత్తీర్ణత సాధించడానికి సాయం చేస్తామని ఎవరైనా చెబితే నమ్మవద్దని సూచించారు. ఫేక్ ట్వీట్లు, మెసేజ్‌లు, ఫోన్‌కాల్స్ పట్ల జాగ్రత్తగా ఉండాలన్నారు. ఏవైనా సందేహాలు ఉంటే.. రిక్రూట్‌మెంట్‌ కార్యాలయానికి చెందిన ఫోన్‌ నంబర్లు 040-27740059, 27740205 సంప్రదించాలని సూచించారు. ఉద్యోగాలు ఇప్పిస్తామని నమ్మించే నేరగాళ్ల పట్ల అప్రమత్తంగా ఉండాలని తెలిపారు.