రాష్ట్రంలో పలు జిల్లాల్లో కమ్మేసిన పొగమంచు

రాష్ట్రంలో పలు జిల్లాల్లో పొగమంచు కమ్మేసింది. తెల్లవారుజామున అత్యవసర పనుల మీద బైటికి వెళ్లే రైతులు, కార్మికులు, వాహనదారులు దీని కారణంగా తీవ్ర ఇబ్బందులు పడుతున్నారు. ఎదురుగా వచ్చే వాహనాలు కనిపించకపోవడంతో లైట్లు వేసుకుని వెళ్లాల్సిన పరిస్థితి నెలకొన్నది. సిద్దిపేట, జగిత్యాల, నిజామాబాద్‌ జిల్లాలను పొగ మంచు కమ్మేసింది. మెదక్‌-ఎల్కతుర్తి నేషనల్‌ హైవేపై కనుచూపు మేరలో వాహనాలు కనిపించకపోడంతో వాహనదారులు హెడ్‌ లైట్స్‌, ఇండికేటర్స్‌ వేసుకుంటున్నారు.