రాష్ట్రవ్యాప్త పర్యటనకు తెలంగాణ విద్యా కమిషన్‌ శ్రీకారం

తెలంగాణ విద్యా కమిషన్‌ రాష్ట్రవ్యాప్త పర్యటనకు శ్రీకారం చుట్టింది. రాష్ట్రంలో మెరుగైన విద్యను అందించడానికి అవసరమైన సలహాలు, సూచనలు చేయడానికి ప్రభుత్వం కమిషన్‌ను ఏర్పాటు చేసిన సంగతి తెలిసిందే. ఈ నేపథ్యంలో కమిషన్‌ ఛైర్మన్‌ ఆకునూరి మురళి నేతృత్వంలోని కమిషన్‌ సభ్యులు ప్రొఫెసర్‌ విశ్వేశ్వర్‌, వెంకటేశ్‌, జ్యోత్స్నలు పర్యటన చేపట్టారు. గురువారం నుంచి డిసెంబర్‌ 7 వరకు రాష్ట్రవ్యాప్తంగా ఉన్న ప్రభుత్వ విద్యా సంస్థల్లో పర్యటించి.. అక్కడి పరిస్థితులను కమిషన్‌ సభ్యులు పరిశీలించనున్నారు. ఇవాళ సంగారెడ్డి, హైదరాబాద్‌, వికారాబాద్‌లలో కమిషన్‌ పర్యటించనున్నది. ఈ నేపథ్యంలో కమిషన్‌ పర్యటనకు సహకరించడంతో పాటు.. అవసరమైన చర్యలు చేపట్టాలని సీఎస్‌ శాంతికుమారి జిల్లా కలెక్టర్లను ఆదేశించారు.