తెలంగాణలో అతి వేగంగా వృద్ది చెందుతున్న వ్యవసాయ ఎగుమతులు

వ్యవసాయం, దాని అనుబంధ రంగాల ద్వారా స్థూల రాష్ట్ర విలువ (GSVA) తెలంగాణలో 2014-15 నుండి 2022-23 వరకు 186 శాతం పెరిగింది.

ఆర్థిక మంత్రి టి హరీశ్ రావు విడుదల చేసిన సోషియో ఎకనామిక్ ఔట్‌లుక్ 2023 ప్రకారం, రాష్ట్ర ఆర్థిక వ్యవస్థకు వ్యవసాయం, అటవీ, పశుసంపద, మత్స్య రంగాల స్థూల విలువ జోడించిన తర్వాత కూడా అధిక వృద్ది రేటు ఉంది.

వినూత్న పద్ధతులను అవలంబించడం, సాంకేతికత వినియోగం పెంచడం, రైతులకు ఆర్థిక చేయూత అందించడం ద్వారా తెలంగాణ వ్యవసాయ రంగంలో గణనీయమైన ప్రగతిని సాధించింది.

రాష్ట్రంలో వరి, మొక్కజొన్న, నిమ్మ, ద్రాక్ష, మామిడి, సోయాబీన్ ఉత్పత్తిలో గణనీయమైన పెరుగుదల ఉంది. పసుపు, తీపి నారింజ కూడా అత్యధిక ఉత్పత్తి జరుగుతోంది.

సోషియో ఎకనామిక్ ఔట్‌లుక్ 2022 ప్రకారం, అక్టోబర్ 2019 , సెప్టెంబర్ 2021 మధ్య భారతదేశంలో వ్యవసాయ సేవా రంగం రూ. 3,000 కోట్ల కంటే ఎక్కువ ఎఫ్‌డిఐలను ఆకర్షించిందని అంచనా.అందులో

26.32 శాతం వాటాతో దేశంలోని వ్యవసాయ సేవా రంగంలో తెలంగాణ అగ్రగామిగా నిలిచింది.

వ్యవసాయ ఎగుమతులు రైతుల ఆదాయాన్ని రెట్టింపు చేయడంలో కీలక పాత్ర పోషిస్తాయి. వ్యవసాయ ఉత్పత్తిని ఎగుమతి చేయడం ఒక కీలకమైన దశ. దీనిని సాధించడానికి, ఎగుమతి మార్కెట్ల కోసం రాష్ట్ర ప్రభుత్వం ప్రయత్నిస్తోంది.

దీని ప్రకారం, 2021-22లో తెలంగాణలో వ్యవసాయం, అనుబంధ రంగాల నుండి ఎగుమతులు రూ. 6,737 కోట్లుగా ఉన్నాయి, ఇది రాష్ట్రం వేగవంతమైన వృద్ధిని సూచిస్తుంది. ఎగుమతులలో, తృణధాన్యాలు, సుగంధ ద్రవ్యాలు, మాంసం, పత్తి రాష్ట్రంలో అగ్రస్థానంలో ఉన్నాయి.

పత్తి ఎగుమతులు రూ.3,055 కోట్లు కాగా, సుగంధ ద్రవ్యాలు, కాఫీ, టీ రూ.1,936 కోట్లుగా ఉన్నాయి. దీని తర్వాత తృణధాన్యాలు రూ.1,480 కోట్లు,మాంసం ఎగుమతులు రూ.268 కోట్లు జరిగాయి.

వ్యవసాయ రంగంలో ఉత్పాదకత, సామర్థ్యం, సుస్థిరతను మెరుగుపరచడానికి, రాష్ట్ర ప్రభుత్వం ఆర్టిఫిషియల్ ఇంటెలిజెన్స్ ఫర్ అగ్రికల్చరల్ ఇన్నోవేషన్ (AI4AI)వంటి పైలట్ ప్రాజెక్ట్‌ల ద్వారా కృత్రిమ మేధస్సు (AI) , ఇతర సాంకేతికతలను అమలు చేస్తోంది.