సీఎం రేవంత్‌ కామెంట్స్ పై రేపు కౌంటర్ ఇవ్వనున్న కేటీఆర్

ముఖ్యమంత్రి రేవంత్‌రెడ్డి ఇవాళ మూసీ నదిపై నిర్వహించిన మీడియా సమావేశంపై బీఆర్‌ఎస్ వర్కింగ్ ప్రెసిడెంట్ కేటీఆర్ స్పందించారు. మూసీ పునరుజ్జీవం కోసం గత బీఆర్‌ఎస్ ప్రభుత్వం తీసుకున్న చర్యలను రేపు సాయంత్రం 4 గంటలకు తెలంగాణ భవన్‌లో కీలకమైన ప్రజెంటేషన్ ఇవ్వనున్నట్లు కేటీఆర్ ఎక్స్ ద్వారా తెలిపారు. ఇవాళ మూసీ ప్రాజెక్ట్ గురించి సీఎం రేవంత్ చేసిన వ్యాఖ్యలపై రేపు కౌంటర్ ఇవ్వనున్నట్లు మాజీ మంత్రి తెలిపారు.