కేటీఆర్‌కు మరో అంతర్జాతీయ ఆహ్వానం

బీఆర్‌ఎస్ వర్కింగ్ ప్రెసిడెంట్ కేటీఆర్‌కు మరో అంతర్జాతీయ ఆహ్వానం అందింది. అమెరికాలోని ఇల్లినాయిస్‌లో ప్రతిష్ఠాత్మక నార్త్ వెస్టర్న్‌ యూనివర్సిటీ నుంచి ఇన్విటేషన్ వచ్చింది. ఈ ఏడాది ఏప్రిల్‌ 19న జరిగే ఐబీసీ 2025 సదస్సులో ముఖ్య అతిథిగా పాల్గొని ప్రసంగించాలని విజ్ఞప్తి చేసింది.

తెలంగాణకు దిగ్గజ కంపెనీల నుంచి పెట్టుబడులను ఆకర్షించడంలో పదేళ్ల పాలనలో బీఆర్‌ఎస్ కేటీఆర్‌ చేసిన కృషి అద్భుతమని నార్త్‌ వెస్టర్న్‌ యూనివర్సిటీ ఈ సందర్భంగా కొనియాడింది. హైదరాబాద్‌ను యువతకు ఉపాధి అవకాశాల గనిగా తీర్చిదిద్దారని ప్రశంసించింది. తెలంగాణ పదేళ్ల పారిశ్రామిక ప్రగతి ప్రస్థానం స్ఫూర్తిదాయకమని అభినందనలు తెలిపింది.