రేపు సొంత జిల్లాకు సీఎం రేవంత్‌ రెడ్డి

సీఎం రేవంత్‌ రెడ్డి ఆదివారం తన సొంత జిల్లా మహబూబ్‌ నగర్‌ పర్యటనకు వెళ్లనున్నారు. ఉదయం 10 గంటలకు బేగంపేట ఎయిర్‌ పోర్టు నుంచి కుటుంబ సభ్యులతో కలిసి హెలీక్యాప్టర్‌ లో బయల్దేరుతారు. 11 గంటలకు కురుమూర్తిరాయ ఆలయానికి చేరుకుంటారు. స్వామిని దర్శించుకొని ప్రత్యేక పూజలు చేస్తారు. ఆ తర్వాత కురుమూర్తి ఘాట్‌ రోడ్‌ ఎలివేటర్‌ కారిడార్‌ కు శంకుస్థాపన చేస్తారు. అక్కడే అధికారులతో సమావేశమై వివిధ అభివృద్ధి పనులపై సమీక్షిస్తారు. ఆ తర్వాత హైదరాబాద్‌ కు తిరిగి బయల్దేరుతారు.