ఆ చిన్న పిల్లాడే ఇప్పుడు దిగ్గజ క్రికెటర్‌
టీమిండియా స్టార్‌ క్రికెటర్‌ విరాట్‌ కోహ్లీ బర్త్‌ డే సందర్భంగా ప్రపంచవ్యాప్తంగా వెల్లువెత్తున్న విషెస్‌
టీమిండియా స్టార్‌ క్రికెటర్‌ విరాట్‌ కోహ్లీ బర్త్‌డే సందర్భంగా వరల్డ్‌ వైడ్‌గా ఆయనకు శుభాకాంక్షలు వెల్లువెత్తాయి. మాజీ క్రికెటర్లు తమ విషెస్‌ను తెలిపారు. చిన్నప్పటి కోహ్లీ ఇప్పుడు క్రికెట్‌ దిగ్గజంగా మారడంపై ఆకాశ్‌ చోప్రా పోస్ట్‌ చేసిన వీడియో వైరల్‌గా మారింది. యువరాజ్‌ సింగ్‌-కోహ్లీ బూట్లతో ఫోన్‌లో మాట్లాడుకున్నట్లుగా పెట్టిన వీడియో కూడా అభిమానులను ఆకట్టుకున్నది. సురేశ్‌ రైనా, బద్రినాథ్‌, హర్భజన్‌లు విషెస్‌ చెప్పారు. బీసీసీఐ కోహ్లీ గణాంకాలతో ఎక్స్‌ వేదిగా పోస్టు పెట్టింది.
'2006లో ఓ చిన్న పిల్లాడు.. ఇప్పుడు క్రికెట్‌ దిగ్గజంగా మారాడు. విరాట్‌ కోహ్లీకి పుట్టినరోజు శుభాకాంక్షలు' -ఆకాశ్‌ చోప్రా
'హ్యాపీ బర్త్‌డే విరాట్‌ కోహ్లీ. ప్రపంచ క్రికెట్‌లో అత్యుత్తమ క్రికెటర్‌గా ఎదిగావు. ఎన్నో ఆటుపోట్లను చవిచూశావు. మళ్లీ నీ అద్భుత ఫామ్‌ను చూస్తామని అనుకుంటున్నా. తప్పకుండా కమ్‌బ్యాక్‌ చేస్తావు. గతంలోనూ ఇలాంటి పరిస్థితులను చూశావు. గాడ్‌ బ్లెస్‌ యూ విరాట్‌' - యువరాజ్‌సింగ్‌
'వ్యక్తిగతంగా ఎంతోమందికి స్ఫూర్తిగా నిలిచే విరాట్‌ కోహ్లీకి పుట్టినరోజు శుభాకాంక్షలు. మున్ముందు మరిన్ని సుఖసంతోషాలు, విజయాలు రావాలని కోరుకుంటున్నా' -సురేశ్‌ రైనా
'హ్యాపీ బర్త్‌ డే విరాట్‌. యువ క్రికెటర్‌గా ప్రయాణం మొదలుపెట్టి అత్యుత్తమ ప్లేయర్‌గా మారడం అద్భుతం. కొత్తగా క్రికెట్‌లోకి వచ్చే యువతకు స్ఫూర్తిగా నిలుస్తావు. పెద్ద కలలు కనాలి. వాటిని నిజం చేసుకోవడానికి కష్టపడాలి. ఇవే నవ్వు నమ్మి పాటిస్తున్న సూత్రాలు' - హర్బజన్‌ సింగ్‌
'ముద్దుగొలిపే చీకూ.. కఠినమైన శ్రమతో GOATగా మారాడు. ఆటపై అతడి యాటిట్యూడ్‌ ఎప్పటికీ మారలేదు. భారత క్రికెట్‌ దూకుడుగా మారడంలో కీలకపాత్ర పోషించాడు. హ్యాపీ బర్త్‌ డే' - ఎస్‌. బద్రినాథ్‌