మే 20న దేశవ్యాప్తంగా కార్మిక సమ్మెకు పిలుపు

లేబర్ కోడ్ రద్దు, ప్రైవేటీకరణ నిలిపివేయాలంటూ పలు కార్మిక సంఘాల డిమాండ్ చేస్తున్నాయి. కనీస వేతనం రూ.26వేలు, ఈపీఎస్ కింద రూ.9వేలు పెన్షన్ ఇవ్వాలని కోరుతున్నాయి. ఈ మేరకు మే 20న దేశవ్యాప్తంగా సమ్మెకు పిలుపునిచ్చాయి. అప్పటి వరకు అన్ని రాష్ట్రాల్లో కార్మికుల సమస్యలపై అవగాహన కల్పించనున్నాయి.

డిమాండ్లు నెరవేర్చకపోతే ఆ రోజు భారత్ బంద్ పాటించనున్నాయి.కేంద్ర, రాష్ట్ర ప్రభుత్వాల నుంచి వచ్చే విరాళాలతో ప్రత్యేక నిధిని ఏర్పాటు చేసి, దాని ద్వారా ఏ పథకం కిందకు రానివారికి నెలకు రూ. 6,000 ఇవ్వాలని కూడా యూనియన్ నాయకులు డిమాండ్ చేశారు. రెండు నెలల తర్వాత నిర్వహించే సమ్మె, భవిష్యత్తులో కార్మికులు, రైతుల దేశవ్యాప్త నిర్ణయాత్మక పోరాటాలకు నాంది పలుకుతుందని కార్మిక సంఘాలు ఒక ప్రకటనలో తెలిపాయి.