'పుష్ప 2'లో శ్రీలీల..?

అల్లు అర్జున్‌ హీరోగా సుకుమార్‌ డైరెక్షన్‌లో తెరకెక్కుతున్న మూవీ 'పుష్ప ది రూల్‌'. 2021లో విడుదలైన 'పుష్ప ది రైజ్‌' కు సీక్వెల్‌గా వస్తున్న ఈ సినిమా కోసం ప్రపంచవ్యాప్తంగా ఉన్న సినీ ప్రియులు ఆసక్తిగా ఎదురుచూస్తున్నారు. ఈ నేపథ్యంలో 'పుష్ప2'కు సంబంధించి ఓ వార్త నెట్టింట వైరల్‌గా మారింది. ఈ భారీ ప్రాజెక్టులో యువ నటి శ్రీలీల భాగమైనట్లు తెలుస్తోంది. ఇందులో స్పెషల్‌ సాంగ్‌ కోసం శ్రీలీలను ఎంచుకున్నట్లు సమాచారం. ఈ పాటకు శ్రద్ధా కపూర్‌ను తీసుకున్నారని ఇటీవల ప్రచారం జరిగిన విషయం విదితమే.

డిసెంబర్‌ 5న ప్రేక్షకుల ముందుకు రానున్న ఈ మూవీ ప్రపంచవ్యాప్తంగా ఆరు భాషల్లో కలిపి 11,500 స్క్రీన్‌లపై ప్రదర్శితం కానున్నదని నిర్మాణవర్గాలు ఇప్పటికే తెలిపారు. ఇప్పటివరకు ఏ భారతీయ సినిమా ఈ స్థాయిలో విడుదల కాలేదని పేర్కొన్నది. ఇండియాలో 6,500, ఓవర్సిస్‌లో 5000 స్క్రీన్‌లపై 'పుష్ప 2' రిలీజ్‌ అవుతున్నదని, ఇదొక రికార్డని చిత్రవర్గాలు తెలిపారు. ఇప్పటికే ఓటీటీ మార్కెట్‌లో రికార్డు స్థాయి వ్యాపారం చేసుకున్న ఈ మూవీ, థియేటర్లలోనూ అదే స్థాయిలో సందడి చేసే అవకాశాలున్నాయి. ఫహాద్‌ ఫాజిల్‌, సునీల్‌, అనసూయ తదితరులు కీలక పాత్ర పోషిస్తున్నారు. ఈ మూవీకి దేవిశ్రీ ప్రసాద్‌ మ్యూజిక్‌ అందిస్తున్నారు.