Bhagavanth Kesari - బాలయ్య సినిమా నుంచి శ్రీలీల లుక్ రిలీజ్

నందమూరి బాలకృష్ణ, అనిల్ రావిపూడి కాంబినేషన్ లో వస్తున్న డిఫరెంట్ యాక్షన్ ఎంటర్ టైనర్ 'భగవంత్ కేసరి' టీజర్ లో మునుపెన్నడూ చూడని లుక్ లో కనిపించారు. షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్న ఈ చిత్రం టీజర్‌కు అద్భుతమైన స్పందన వచ్చింది. టీజర్ గత రికార్డులను బద్దలు కొట్టింది.

ఈ సినిమాలో శ్రీలీల కీలక పాత్రలో నటిస్తోంది. శ్రీలీల పుట్టినరోజు సందర్భంగా మేకర్స్ ఆమె ఫస్ట్‌లుక్‌ను విడుదల చేశారు. పోస్టర్‌పై శ్రీలీల తన అందమైన చిరునవ్వుతో ఆకట్టుకుంది. బ్లాక్ ట్రెడిషనల్ వేర్ ధరించి, ప్లెజంట్ గా కనిపిస్తుంది. సింపుల్ గర్ల్ గా కనిపించింది.

ఈ చిత్రంలో కాజల్ అగర్వాల్ హీరోయిన్ గా నటిస్తోంది. అర్జున్ రాంపాల్ విలన్ పాత్ర పోషిస్తున్నారు. ఈ చిత్రానికి సి రామ్ ప్రసాద్ సినిమాటోగ్రఫీ అందించగా, తమన్ సంగీతం సమకూరుస్తున్నాడు.

బాలకృష్ణ కెరీర్ లో 108వ చిత్రంగా తెరకెక్కుతోంది భగవంత్ కేసరి. రీసెంట్ గా రిలీజ్ చేసిన టీజర్ కు అద్భుతమైన రెస్పాన్స్ వచ్చింది. భగవంత్ కేసరి విజయదశమి కానుకగా థియేటర్లలో వస్తోంది. ఈ సినిమాపై భారీ అంచనాలున్నాయి