ప్రేమించే భాగస్వామి, పిల్లలు
తన రాశికి 2025లో ఎలా ఉంటుందో చెబుతూ సమంత పెట్టిన తాజా పోస్ట్‌ వైరల్‌
సినీ నటి సమంతా పెట్టిన తాజా పోస్టు సోషల్‌ మీడియాలో వైరల్‌గా మారింది. తన రాశికి 2025లో ఎలా ఉంటుందో చెబుతూ వచ్చిన ఒక మెసేజ్‌ను ఆమె ఇన్‌స్టా వేదికగా షేర్‌ చేశారు. అందులో చెప్పిన విధంగా జరగాలనుకుంటున్నట్లు ఆమె తెలిపారు. 'వృషభ, కన్య, మకర రాశి వారు 2025 వీటిని పొందే అవకాశం ఎక్కువగా ఉంది' అని ఆ పోస్టులో ఉన్నది.
ఏడాదంతా చాలా బిజీగా ఉంటారు.
వృత్తిపరంగా మెరుగుపడతారు. డబ్బు ఎక్కువగా సంపాదిస్తారు.
ఆర్థికంగా బలంగా ఉంటారు
నమ్మకం, ప్రేమను అందించే భాగస్వామిని పొందుతారు
ఎన్నో ఏళ్ల నుంచి ఉన్న లక్ష్యాలను పూర్తి చేస్తారు.
ఆదాయమార్గాలు పెంచుకుంటారు.
మరిన్ని అవకాశాలు సొంతం చేసుకుంటారు
మానసికంగా, శారీరకంగా స్ట్రాంగ్‌గా ఉంటారు.
పిల్లలను పొందుతారు అని ఆ జాబితాలో రాసి ఉన్నది. ప్రస్తుతం ఇది వైరల్‌ అవుతున్నది ఇందులో రాసి ఉన్న విధంగా మీకు అంతా మంచే జరగాలని ఆమె అభిమానులు, నెటీజన్లు కామెంట్స్‌ పెడుతున్నారు.
ఇక సినిమాల విషయానికి వస్తే.. 'సిటడెల్‌'తో ప్రేక్షకులను పలకరించిన ఆమె.. ఇప్పుడు తన రాబోయే సిరీస్‌ కోసం ఫాంటసీ ప్రపంచంలోని అడుగుపెట్టారు. ఆమె ప్రధాన పాత్రలో నటిస్తున్న వెబ్‌ సిరీస్‌ 'రక్త్‌ బ్రహ్మాండ్‌', ది బ్లడీ కింగ్‌డమ్‌ అనేది సబ్‌ టైటిల్‌. 'తుంబాడ్‌' ఫేమ్‌ రాహి అని బార్వే డైరెక్టర్‌. తాజాగా ఈ సిరీస్‌ సెట్‌లోకి అడుగుపెట్టినట్లు తెలుపుతూ సోషల్‌ మీడియా వేదికగా ఓ ఫోటోను పంచుకున్నారు. 'మళ్లీ యాక్షన్‌ మోడ్‌లోకి వచ్చేశా' అని వ్యాఖ్యల్ని జోడించారు.