Celebrity Cricket League - మళ్లీ సీసీఎల్ హంగామా షురూ
Celebrity Cricket League CCL - తారలంతా కలిసి ఆడే సెలబ్రిటీ క్రికెట్ లీగ్ కు మరోసారి ముహూర్తం ఫిక్స్ అయింది.
దేశంలోనే అతిపెద్ద స్పోర్ట్స్-ఎంటర్ టైన్ మెంట్ ఈవెంట్ సెలబ్రిటీ క్రికెట్ లీగ్. ఇప్పుడీ సీసీఎల్ సందడి మళ్ళీ మొదలుకాబోతుంది. ఈ సీజన్ లో వివిధ ప్రాంతాల నుండి 8 జట్లు పోటీపడతాయి. రాయ్‌పూర్, బెంగళూరు, హైదరాబాద్, జోధ్‌పూర్, త్రివేండ్రం, జైపూర్ సహా ఆరు నగరాలు 19 గేమ్‌లకు ఆతిథ్యం ఇవ్వనున్నాయి. ఈనెల 18 నుంచి ఈ అతిపెద్ద వినోదం మొదలుకాబోతోంది.
సల్మాన్‌ ఖాన్‌ బ్రాండ్‌ అంబాసిడర్‌గా, రితేష్‌ దేశ్‌ముఖ్‌ కెప్టెన్‌గా ముంబై హీరోస్‌ జట్టు సిద్ధంగా ఉంది. ఇక ఆర్య కెప్టెన్ గా చెన్నై రైనోస్‌, వెంకటేష్‌ కో-ఓనర్- అఖిల్‌ కెప్టన్ గా తెలుగు వారియర్స్, మనోజ్‌ తివారీ కెప్టెన్‌గా భోజ్‌పురి దబాంగ్స్, మోహన్ లాల్ కో ఓనర్ గా కుంచాకో బోపన్‌ కెప్టెన్‌గా కేరళ స్ట్రైకర్స్, బోనీ కపూర్‌తో ఓనర్‌గా జిసుసేన్ గుప్తా కెప్టెన్ గా బెంగాల్ టైగర్స్, సుదీప్‌ కెప్టెన్‌గా కర్ణాటక బుల్డోజర్స్, సోనూసూద్‌ కెప్టన్ గా పంజాబ్ దే షేర్ జట్లు సిద్ధమయ్యాయి.
లీగ్‌లో 120 మందికి పైగా సినీ ప్రముఖులు పాల్గొంటున్నందున ఈ సీజన్ ప్రేక్షకులకు చాలా ఉత్సాహంగా ఉండబోతుంది. బెంగుళూరు, హైదరాబాద్ , చెన్నై స్టేడియమ్స్ లో ఈ మ్యాచులు జరుగుతాయి.
జీ టీవీ నెట్‌వర్క్‌ కు చెందిన 7 ఛానెళ్లలో ఈ మ్యాచ్‌లు ప్రత్యక్ష ప్రసారం కానున్నాయి. తెలుగు వారియర్స్ మ్యాచ్‌లు జీ సినిమాలు ఛానెల్ లో ప్రసారం అవుతాయి.