Balakrishna: బాలయ్య-అనీల్ రావిపూడి మూవీ షెడ్యూల్ పూర్తి
Balakrishna: అనీల్ రావిపూడితో చేస్తున్న సినిమాకు సంబంధించి ఫస్ట్ షెడ్యూల్ పూర్తిచేశాడు బాలయ్య. అదే సెట్ లో న్యూ ఇయర్ సందర్భంగా కేక్ కట్ చేశాడు.
బాలకృష్ణ, అనిల్ రావిపూడి క్రేజీ ప్రాజెక్ట్ షూటింగ్ శరవేగంగా జరుగుతోంది. ప్రొడక్షన్ డిజైనర్ రాజీవన్ ఆధ్వర్యంలో హైదరాబాద్ లో వేసిన భారీ జైలు సెట్‌లో అంతే భారీ యాక్షన్ సీక్వెన్స్‌తో తాజాగా టీమ్ మొదటి షెడ్యూల్ ను పూర్తి చేసుకుంది. ఈ యాక్షన్ సీక్వెన్స్ కి వెంకట్‌ మాస్టర్ యాక్షన్ కొరియోగ్రఫీ చేశారు.
ఈ షెడ్యూల్ లో బాలకృష్ణ, శరత్ కుమార్ తో పాటు మరికొందరు ఆర్టిస్టులపై కీలక సన్నివేశాల్ని చిత్రీకరించారు. ఈ సెట్ లోనే యూనిట్ తరఫున నూతన సంవత్సర వేడుకలని గ్రాండ్ గా సెలబ్రేట్ చేశారు.
షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది ప్రతిష్టాత్మకంగా ఈ చిత్రాన్ని నిర్మిస్తున్నారు. బాలకృష్ణ మునుపెన్నడూ పోషించిన పాత్రలో ఇందులో కనిపించనున్నాడు.
ఈ సినిమాలో బాలకృష్ణ మార్క్ మాస్ అండ్ యాక్షన్, అనిల్ రావిపూడి మార్క్ ఎలిమెంట్స్ రెండూ ఉండబోతున్నాయి. ఈ చిత్రంలో మోస్ట్ హ్యాపెనింగ్ హీరోయిన్ శ్రీలీల కీలక పాత్ర పోషిస్తోంది. మ్యూజికల్ సెన్సేషన్ తమన్ సంగీతం అందిస్తున్నాడు.