యాక్సిస్ నిఫ్టీ500 వేల్యూ 50 ఈటీఎఫ్‌ను ప్రవేశపెట్టిన యాక్సిస్ మ్యుచువల్ ఫండ్

భారత్‌లోని దిగ్గజ అసెట్ మేనేజ్‌మెంట్ కంపెనీల్లో ఒకటైన యాక్సిస్ మ్యుచువల్ ఫండ్ తమ కొత్త ఎక్స్చేంజ్ ట్రేడెడ్ ఫండ్ (ఈటీఎఫ్) – యాక్సిస్ నిఫ్టీ500 వేల్యూ 50 ఈటీఎఫ్‌కి సంబంధించి న్యూ ఫండ్ ఆఫర్‌ను ప్రకటించింది. ఇది నిఫ్టీ500 వేల్యూ 50 టీఆర్‌ఐని ప్రతిఫలించే/ట్రాక్ చేసే ఓపెన్ ఎండెడ్ ఎక్స్చేంజ్ ట్రేడెడ్ ఫండ్. వేల్యూ ఆధారిత వ్యూహాలతో భారతీయ ఈక్విటీ మార్కెట్లలో పెట్టుబడులు పెట్టడంలో ఇన్వెస్టర్లకు సహాయకరంగా ఉండేలా ఈ ఈటీఎఫ్ రూపొందించబడింది. వృద్ధి చెందుతున్న భారత ఈక్విటీ మార్కెట్లలో వైవిధ్యమైన విధంగా పెట్టుబడి పెట్టాలనుకునే వారికి ఈ కొత్త ఈటీఎఫ్ చౌకైన, పారదర్శకమైన, పన్నులపరంగా ప్రయోజనాలు చేకూర్చే పెట్టుబడి అవకాశంగా ఉంటుంది.

ఈ స్కీము ప్రధానంగా నిర్దేశిత సూచీలోని స్టాక్స్‌లో ఇన్వెస్ట్ చేస్తుంది. బెంచ్‌మార్క్ ఇండెక్స్‌ను ట్రాక్ చేస్తుంది. అలాగే అసెట్ అలొకేషన్ ధోరణికి అనుగుణంగా లిక్విడిటీ, వ్యయాల అవసరాల కోసం నిబంధనలకు తగ్గట్లుగా డెట్ మరియు మనీ మార్కెట్ సాధనాల్లో కూడా ఈ స్కీము ఇన్వెస్ట్ చేయొచ్చు. లిక్విడిటీ మరియు వ్యయాల అవసరాల నిమిత్తం మినహా, ప్యాసివ్ ఇన్వెస్ట్‌మెంట్ విధానంతో, సాధ్యమైనంత వరకు నిర్దేశిత సూచీ యొక్క నిష్పత్తికి అనుగుణంగా ఇండెక్స్‌లోని స్టాక్స్‌లో ఈ స్కీమ్ ఇన్వెస్ట్ చేస్తుంది.

ఈ ఓపెన్ ఎండెడ్ ఈటీఎఫ్‌లో కనీసం రూ. 500 నుంచి ఇన్వెస్ట్ చేయొచ్చు. ఆ తర్వాత నుంచి రూ. 1 గుణిజాల్లో ఇన్వెస్ట్ చేయొచ్చు. ఈ ఈటీఎఫ్‌ విస్తృతమైన, డైవర్సిఫైడ్ బాస్కెట్‌లో ఇన్వెస్ట్ చేసేందుకు వీలు కల్పిస్తుంది. ఇన్వెస్టర్లకు లిక్విడిటీ మరియు ఎక్స్చేంజ్‌ ద్వారా ట్రేడింగ్ చేసుకునే సౌలభ్యాన్ని కల్పించే విధంగా ఎన్ఎస్ఈ, బీఎస్‌ఈల్లో యాక్సిస్ నిఫ్టీ500 వేల్యూ 50 ఈటీఎఫ్ లిస్ట్ చేయబడుతుంది.