ఐదోసారి కూడా నేనే ముఖ్యమంత్రి అవుతా : చంద్రబాబు

ఏపీ అసెంబ్లీలో సీఎం చంద్రబాబు కీలక వ్యాఖ్యలు చేశారు. ఐదోసారి కూడా నేనే ముఖ్యమంత్రి అవుతాని ధీమా వ్యక్తం చేశారు. ప్రజలు మంచి పనులు చేస్తే మళ్లీ గెలిపిస్తారని ముఖ్యమంత్రి అన్నారు. ప్రస్తుతం చంద్రబాబు 4.0ను చూస్తున్నారు. రాష్ట్రాన్ని అభివృద్ధి పథంలో ముందుకు తీసుకెళ్తామని తెలిపారు. ప్రజలు కూడా ఇందుకు సహకరించాలన్నారు. కొన్ని రాష్ట్రాల్లో 30 ఏళ్లుగా ఒకే పార్టీ పాలిస్తోంది. ఇక్కడ కూడా అదే రకమైన పాలన ఉండాలని కోరుకుంటున్నానని తెలిపారు.

డిసెంబర్ నుంచి వేసిన గేరు మార్చకుండా హైస్పీడ్‌లో రాజధాని అమరావతి నిర్మాణ పనులను ప్రారంభిస్తామని అన్నారు. వచ్చే మూడేళ్లలో అమరావతికి ఓ రూపం తీసుకొస్తామని సీఎం తెలిపారు. ఎన్జీవో , ఆలిండియా సర్వీసెస్ భవనాలు 9 నెలల్లో పూర్తి చేస్తామని అన్నారు. 2027 నాటికి పోలవరం ప్రాజెక్ట్‌ ను పూర్తి చేస్తామని పేర్కొన్నారు. ఆరు నెలల వ్యవధిలో ఎమ్మెల్యే, ఎమ్మెల్సీ క్వార్టర్స్‌ నిర్మాణ పనులను పూర్తి చేస్తామని చంద్రబాబు తెలిపారు.