గీతక్కను గెలిపిస్తే డిప్యూటీ సీఎం చేస్తా.. పిఠాపురంలో జగన్
పిఠాపురం అభివృద్ధి గీతతోనే సాధ్యమన్నారు జగన్. ఐదోళ్లకోసారి కార్లు మార్చినట్లు పవన్ కల్యాణ్ భార్యలను మార్చుతారని విమర్శించారు జగన్.
ఎన్నికల ప్రచారంలో భాగంగా చివరి సభలో ఇంట్రెస్టింగ్ కామెంట్స్‌ చేశారు సీఎం జగన్. పిఠాపురం నియోజకవర్గంలో చివరి రోడ్‌ షో నిర్వహించారు. ఈ సందర్భంగా మాట్లాడిన జగన్.. పిఠాపురంలో భారీ మెజార్టీతో వంగా గీతను గెలిపిస్తే రాబోయే వైసీపీ ప్రభుత్వంలో డిప్యూటీ సీఎం పదవి ఇస్తానన్నారు. పిఠాపురంను మరింత అభివృద్ధి చేస్తామని హామీ ఇచ్చారు. పవన్‌ను గెలిపిస్తే పిఠాపురంలో ఉండరన్నారు జగన్. ఆయన గెలిచినా, ఓడినా ఉండేది హైదరాబాద్‌లోనే అన్నారు. కానీ పిఠాపురం ప్రజలకు ఎల్లప్పుడూ అందుబాటులో ఉండేది వంగా గీత మాత్రమే అని చెప్పుకొచ్చారు.
పిఠాపురం అభివృద్ధి గీతతోనే సాధ్యమన్నారు జగన్. ఐదోళ్లకోసారి కార్లు మార్చినట్లు పవన్ కల్యాణ్ భార్యలను మార్చుతారని విమర్శించారు జగన్. ఇలాంటి వ్యక్తిని నమ్మి మహిళలు ఓట్లు వేస్తారా..? అని ప్రశ్నించారు. ఒకసారి చేస్తే పొరపాటు.. రెండోసారి చేస్తే గ్రహపాటు.. మూడోసారి చేస్తే అది అలవాటు అని తీవ్ర విమర్శలు చేశారు. ప్రచారంలో ఫైనల్ టచ్‌ ఇచ్చేందుకు పిఠాపురంలో పర్యటించారు జగన్.