అదానీ దేశం, జగన్‌ రాష్ట్రం పరువు తీశారు

ఏపీ మాజీ సీఎం జగన్‌కు పారిశ్రామికవేత్త గౌతమ్‌ అదానీ రూ. 1,750 కోట్ల లంచం ఇచ్చినట్లు అమెరికా ఏజెన్సీల దర్యాప్తులో స్పష్టంగా వెల్లడైందని ఏపీ కాంగ్రెస్‌ అధ్యక్షురాలు వైఎస్‌ షర్మిల ఆరోపించారు. ఈ అవినీతి కేసుతో అదానీ దేశం పరువు, జగన్‌ రాష్ట్రం పరువు తీశారని ఆక్షేపించారు. హైదరాబాద్‌లో నిర్వహించిన మీడియా సమావేశంలో ఆమె మాట్లాడుతూ.. అమెరికా ఏజెన్సీలు గౌతమ్‌ అదానీ, మరికొందరిపై అభియోగాలు చేశాయి. భారత్‌లో అదానీ కొన్ని ఒప్పందాలు చేసుకున్నారు. ఈ క్రమంలో కొన్ని రాష్ట్రాల సీఎంలకు లంచాలు ఇచ్చినట్లు వెల్లడైంది. ఆధారాలు ఉన్నందున కేసులు పెట్టినట్లు ఆ ఏజెన్సీలు పేర్కొన్నాయి. గౌతమ్‌ అదానీపై విచారణ జరిపితే ఈ విషయం బైటికి వచ్చింది. అమెరికా ఏజెన్సీలు బయటపెట్టే వరకు ఇది బైటికి రాలేదని షర్మిల తెలిపారు.