గూగుల్ ప్లేస్టోర్ నుంచి తొలగించిన యాప్స్ ఇవే!
మొబైల్ డేటా భద్రతకు హాని కలిగించే 85 రకాల అప్లికేషన్లను గూగుల్ ప్లే స్టోర్ లో నుంచి తొలగించినట్లు తెలిపింది. ఆండ్రాయిడ్ ప్లే స్టోర్లో గేమ్, టీవీ అండ్ రిమోట్ కంట్రోల్ సిములేటర్ వంటి యాప్స్ ద్వారా మొబైల్ డేటా చోరీకి గురయ్యే అవకాశం ఉన్నట్లు పేర్కొంది. అయితే ఈ విషయాన్ని ట్రెండ్ మైక్రో అనే సైబర్ సెక్యూరిటీ కంపెనీ మొదటగా రిపోర్టు చేసింది. ఫుల్ స్క్రీన్ యాడ్స్ ను ప్రజెంట్ చేస్తూ…డివైస్ స్క్రీన్ అన్‌లాకింగ్‌ పనితీరును […]
మొబైల్ డేటా భద్రతకు హాని కలిగించే 85 రకాల అప్లికేషన్లను గూగుల్ ప్లే స్టోర్ లో నుంచి తొలగించినట్లు తెలిపింది. ఆండ్రాయిడ్ ప్లే స్టోర్లో గేమ్, టీవీ అండ్ రిమోట్ కంట్రోల్ సిములేటర్ వంటి యాప్స్ ద్వారా మొబైల్ డేటా చోరీకి గురయ్యే అవకాశం ఉన్నట్లు పేర్కొంది. అయితే ఈ విషయాన్ని ట్రెండ్ మైక్రో అనే సైబర్ సెక్యూరిటీ కంపెనీ మొదటగా రిపోర్టు చేసింది.
ఈ యాప్‌లు ఓపెన్‌ చేసిన ప్రతిసారీ ఫుల్ స్క్రీన్ యాడ్‌ డిస్‌ప్లే అవుతుంది. దాని నుంచి బయటికి వచ్చేందుకు వరుసగా వివిధ రకాల బటన్స్‌ నొక్కమంటూ ఆప్షన్స్‌ వస్తూనే ఉంటాయి. అలా అనేక రకాల వెబ్‌పేజీల్లోకి మన వివరాలు వెళ్లిపోతాయి. యాప్‌ క్రాష్‌ అయ్యేంతవరకు ఇలాగే జరుగుతూ ఉంటుంది.
అదే సమయంలో మన ఫోన్‌ లాక్‌ ప్యాట్రన్‌తో పాటు ఇతర కీలక సమాచారం హ్యాకర్ల చేతికి సులభంగా చిక్కుతుందని ట్రెండ్ మైక్రో పరిశోధకులు తమ బ్లాగులో వెలువరించారు.
ఇక గూగుల్ ఇలాంటి హానికారక యాప్‌లను తొలగించడం ఇదే తొలిసారి కాదు. గతేడాది నవంబరులో 13, డిసెంబరులో 22 ఫేక్‌ యాప్‌లను తొలగించింది.
మన ఫోన్లలో ఉండకూడని కొన్ని యాప్‌లు ఇవే….
- స్పోర్ట్‌ టీవీ
- ప్రాడో పార్కింగ్‌ సిములేటర్ 3డీ
- టీవీ వరల్డ్‌
- సిటీ ఎక్స్‌స్ట్రీమ్‌పోలీస్‌
- అమెరికన్‌ మజిల్‌ కార్‌
- ఐడిల్‌ డ్రిప్ట్‌
- టీవీ రిమోట్
- ఏసీ రిమోట్
- బస్‌ డ్రైవర్‌
- లవ్‌ స్టిక్కర్స్‌
- క్రిస్‌మస్‌ స్టిక్కర్స్‌
- పార్కింగ్‌ గేమ్
- బ్రెజిల్‌ టీవీ
- వరల్డ్‌ టీవీ
- ప్రాడో కార్‌
- చాలెంజ్‌ కార్‌ స్టంట్స్‌ గేమ్
- యూకే టీవీ
- ఫొటో ఎడిటర్‌ కొలాగ్‌ 1
- మూవీ స్టిక్కర్స్‌
- రేసింగ్‌ కార్‌ 3డీ
- పోలీస్‌ చేజ్‌
- ఫ్రాన్స్‌ టీవీ
- చిలీ టీవీ
- సౌతాఫ్రికా టీవీ మొదలైనవి