"నన్ను దోచుకుందువటే" దర్శకుడి అదృష్టం ఎలా ఉందో?

సుజిత్, తరుణ్ భాస్కర్ దాస్యం, ప్రశాంత్ వర్మ వీళ్లంతా షార్ట్ ఫిల్మ్స్ తీసి దర్శకులై సినిమా తీసి హిట్టు కొట్టినవాళ్లే.. ఈ లిస్ట్ లోకి కొత్తగా చేరాడు ఆర్.ఎస్.నాయుడు. తాజాగా సుధీర్ బాబు తో ”నన్ను దోచుకుందువటే” సినిమా తీసాడు ఈ దర్శకుడు. సినిమా టాక్ సోషల్ మీడియా పుణ్యమా అని చాలా బాగుంది, కానీ వసూళ్లు అంతంత మాత్రం గా ఉన్నా, బడ్జెట్ ని కవర్ చేసింది అనే టాక్ ఉంది. దీని తో నాయుడు కి రెండో సినిమాకి ప్రొడ్యూసర్ ఈజీ గానే దొరికేసాడు.

శర్వానంద్ నటిస్తున్న ”పడి పడి లేచే మనసు” నిర్మాత సుధాకర్ మనోడ్ని పిలిచి మరీ అడ్వాన్స్ ఇచ్చాడట. హీరో వివరాలు, షూటింగ్ తేదీలు తెలియాల్సి ఉన్నా… నాయుడు అయితే తాను శర్వానంద్ కోసం కధ రాసుకున్న అని తేల్చేసాడట. శర్వానంద్ మాత్రం వరుస సినిమాలతో బిజీ గా ఉన్నాడు. ప్రతిష్టాత్మక గీత ఆర్ట్స్ బ్యానర్ తో కూడా ఒక ప్రాజెక్టు ఉంది. మరి అన్ని కాదని మనోడికి ఛాన్స్ ఇస్తాడా? కొత్త దర్శకులు తో సినిమాలు శర్వా కి బాగా అచ్చు వచ్చాయనే చెప్పుకోవాలి. కథలో కొత్తదనం ఉంటే శర్వానంద్ ఒప్పుకునే ఛాన్స్ లేకపోలేదు. మరి శర్వానంద్ దేనికి మొగ్గు చూపుతాడు.కొత్త దర్శకుడు ఆర్.ఎస్.నాయుడి లక్ ఎలా ఉందో మరి..