మహేష్, పవన్ సినిమాలపై దిల్ రాజు చిన్నచూపు

మహేష్ బాబు ఓ సినిమా చేస్తున్నాడంటే అది ఇంకా సెట్స్ పైకి వెళ్లకముందునుంచే డిస్ట్రిబ్యూషన్ రైట్స్ కోసం ఎగబడతారు. ఇక పవన్ విషయానికొచ్చినా సేమ్ సీన్. పంపిణీ హక్కుల కోసం కోట్లు కుమ్మరించడానికి బయ్యర్లు సిద్ధంగా ఉంటారు. కానీ నైజాంలో మాత్రం ఈ స్టార్ హీరోల పరిస్థితి ఇందుకు భిన్నంగా ఉంది. ఇన్నాళ్లూ వీళ్ల సినిమాల్ని క్రమంతప్పకుండా పంపిణీ చేసి కోట్ల లాభాలు చూసిన దిల్ రాజు… ఈసారి మహేష్, పవన్ సినిమాలపై పెద్దగా ఇంట్రెస్ట్ చూపించడంలేదు. కోట్లు ఖర్చుపెట్టి ఒక్క సినిమా కొనేకంటే… అదే మొత్తంలో మీడియం రేంజ్ సినిమాలు ఓ 3 తీసుకుంటే మంచిదనే భావనలో దిల్ రాజు ఉన్నట్టు తెలుస్తోంది. ఇందులో భాగంగా ఇప్పటికే అ..ఆ అనే సినిమాతో పాటు… వెంకీ హీరోగా నటిస్తున్న బాబు బంగారం, నాగచైతన్య చేస్తున్న మజ్ను సినిమా హక్కుల్ని దక్కించుకున్నాడు. మరి పవన్ చేస్తున్న సర్దార్ గబ్బర్ సింగ్, మహేష్ చేస్తున్న బ్రహ్మోత్సవం సినిమాలను నైజాంలో తీసుకునేది ఎవరు…? ఒకవేళ తీసుకున్నప్పటికీ… దిల్ రాజు చేతిలో ఉన్న థియేటర్లు పవన్, మహేష్ సినిమాలకు వస్తాయా…. వెయిట్ అండ్ సీ…