‘హాంగ్‌కాంగ్‌లో తెలుగు సమాఖ్య’ ఉగాది వేడుకలు

హాంగ్‌కాంగ్‌లో ‘ది హాంగ్‌కాంగ్ తెలుగు సమాఖ్య’ పేరుతో తెలుగు వారిని ఒక వేదిక మీదకు తీసుకు వచ్చారు జయ పీసపాటి. తెలుగు భాష, సంస్కృతి, సంప్రదాయాల పరిరక్షణ కోసం పని చేస్తున్న ఈ సమాఖ్య ఏటా స్పోర్ట్స్ డే, ఉగాది వేడుకలు, సిలికానాంధ్ర మనబడి కార్యక్రమంలో భాగంగా తెలుగు తరగతులు నిర్వహించింది. అలాగే పండుగ పర్వాలను ఈ తరానికి తెలియచేసే ఉద్దేశంతో సామూహిక సత్యనారాయణ వ్రతం, సామూహిక లలితా సహస్రనామావళి కార్యక్రమాలను ఏర్పాటు చేస్తున్నారు. ఇంటర్నెట్ ద్వారా తెలుగు రేడియో కార్యక్రమాలను ప్రసారం చేస్తున్నారు. ఈ ఏడాది… మన్మథనామ సంవత్సర ఉగాది వేడుకలను ఈ నెల 22వ తేదీన నిర్వహించింది. ది హాంగ్‌కాంగ్ తెలుగు సమాఖ్య (టిహెచ్‌కెటిఎస్) ఈ ఏడాది ‘సాయి వాన్ హూ’ లో ‘తెలుగు భాష- సమాజ సేవ- యువత-భవిత’ అంశాల ఆధారంగా సంగీత, నృత్య, సాంస్కృతిక కార్యక్రమాలను నిర్వహించింది.