పెట్టుబడులకు గమ్యస్థానంగా మారిన తెలంగాణ

మేడ్ ఇన్ తెలంగాణ అనేది స్థానిక నినాదం కాదు, అది కేవలం నినాదంగా కూడా మిగిలిపోలేదు. ‘మేడ్ ఇన్ తెలంగాణ’ అనేది ఇప్పుడు ప్రపంచవ్యాప్తంగా ప్రజలు ఉపయోగిస్తున్న ట్యాగ్‌లైన్‌గా మారింది.

దాదాపు 90 దేశాల్లో మార్కెట్‌లోకి వస్తున్న స్టెంట్లు, కాథెటర్‌ల నుండి, ఫ్రాన్స్‌లో అసెంబుల్ చేయాల్సిన న్యూక్లియర్ టర్బైన్‌ల కోసం కీలకమైన పార్ట్స్ ను సరఫరా చేసే ఇంజినీరింగ్ యూనిట్ వరకు. భారతదేశపు మొట్టమొదటి ప్రైవేట్ రాకెట్‌ను అభివృద్ధి చేసి ప్రయోగించే వరకు, తెలంగాణ పరిశ్రమ దేశానికి ఒక రోల్ మోడల్ లా ఉంది.

2022-23లో (జనవరి 2023 వరకు), TS-iPASS 2,518 యూనిట్లకు ఆమోదం తెలిపింది. దీని ఫలితంగా రాష్ట్రానికి రూ. 20,237 కోట్ల విలువైన కొత్త పెట్టుబడులు వచ్చాయి.

SMEలు,స్టార్టప్‌లలో పరస్పర సహకారం కోసం తెలంగాణ థాయ్‌లాండ్ ప్రభుత్వంతో ఒక ఒప్పందంపై సంతకం చేసింది. థాయ్‌లాండ్ వాణిజ్య మంత్రిత్వ శాఖ, భారతదేశం నుండి ఒక రాష్ట్ర ప్రభుత్వంతో అవగాహన ఒప్పందం కుదుర్చుకోవడం ఇదే మొదటిసారి.

గత ఏడు ఆర్థిక సంవత్సరాల్లో, తెలంగాణ పెట్టుబడులకు గమ్యస్థానంగా , ప్రముఖ బహుళజాతి కంపెనీలకు నిలయంగా మారింది. 2014-15 , 2021-22 మధ్య, తెలంగాణ పారిశ్రామిక రంగం వార్షిక వృద్ధి రేటు (CAGR) 10.12 శాతం, ఇది దక్షిణ భారత రాష్ట్రాలలో రెండవ అత్యధికం.

అదేవిధంగా, 2014-15, 2022-23 ఆర్థిక సంవత్సరాల మధ్య రాష్ట్రంలోని ఉత్పాదక రంగంలో తెలంగాణ వార్షిక వృద్ధి రేటు (CAGR) 12.21 శాతంగా ఉంది. ఇది జాతీయ స్థాయిలో CAGR కంటే ఎక్కువ .

2022-23లో, రాష్ట్ర ఆదాయంలో పరిశ్రమల రంగం 18.96 శాతంగా ఉంది. ఇది 21 శాతం శ్రామిక జనాభాకు ఉపాధిని కల్పించింది.