అప్పుడే డీఎస్సీ నియామకాలు : సీఎం రేవంత్

డీఎస్సీ నియామకాలు మరో 10 రోజుల్లో పూర్తి చేస్తామని ముఖ్యమంత్రి రేవంత్‌రెడ్డి తెలిపారు. ఇవాళ సచివాలయంలో ఫలితాలు విడుదల సందర్భంగా సీఎం మాట్లాడుతూ చాలా తక్కువ సమయంలో రిజల్ట్స్‌ను రిలీజ్ చేశామని తెలిపారు. 1:3 నిష్పత్తిలో సర్టిఫికెట్ పరిశీలన ఉంటుందని అన్నారు. అక్టోబర్ 9న ఎల్బీ స్టేడియంలో ఎంపికైన అభ్యర్థులకు నియామక పత్రాలు అందజేస్తామని తెలిపారు.

పదేళ్ల బీఆర్ఎస్ ప్రభుత్వ హయాంలో ఒకే ఒక్కసారి 7 వేల పోస్టులతో డీఎస్సీ నిర్వహించిందని గుర్తు చేశారు. కానీ, తాము అధికారంలోకి వచ్చిన కేవలం 55 రోజుల్లోనే డీఎస్సీ ఫలితాలను విడుదల చేశామని అన్నారు. చెప్పినట్లుగానే టీజీపీఎస్‌సీని సమూలంగా ప్రక్షాళన చేశామని పేర్కొన్నారు. డీఎస్సీ మాదిరిగానే గ్రూప్-1 పరీక్షలను నిర్వహించి ఫలితాలను విడుదల చేస్తామని ముఖ్యమంత్రి తెలిపారు.