సినీ నటుడు రాజేంద్రప్రసాద్‌ను పరామర్శించిన కేటీఆర్

సినీ నటుడు రాజేంద్రప్రసాద్ కుటుంబ సభ్యులను బీఆర్ఎస్ వర్కింగ్ ప్రెసిడెంట్ కేటీఆర్ పరామర్శించారు. నేడు పెద్దకర్మలో భాగంగా కూకట్‌పల్లిలోని వారి నివాసంలో గాయత్రి చిత్రపటానికి పూలమాలలు వేసి ఆయన నివాళులు అర్పించారు. చిన్న వయస్సులో ఆమె మృతి చెందడం బాధాకరమని కేటీఆర్ పేర్కొన్నారు. డైరెక్టర్ అనిల్ రావిపూడి, సినీ ప్రముఖులు శ్రీనివాసరెడ్డి, సంగీత దర్మకులు ఆర్పీ పట్నాయక్, పరామర్శించి ఆమె చిత్రపటానికి అంజలి ఘటించారు. రాజేంద్రప్రసాద్‌ కుమార్తె గాయత్రి కొన్ని రోజుల క్రితం గుండెపోటుతో మరణించిన సంగతి తెలిసిందే.