నేటితో ముగియనున్న గ్రూప్‌-1 మెయిన్స్‌ పరీక్షలు

ఈ నెల 21 నుంచి మొదలైన గ్రూప్‌-1 మెయిన్స్‌ పరీక్షలు నేటితో ముగియనున్నాయి. 563 ఖాళీల భర్తీ కోసం ఫిబ్రవరిలో నోటిఫికేషన్‌ విడుదల చేసిన టీజీపీఎస్సీ 1:50 పద్ధతిలో అభ్యర్థులను మెయిన్స్‌కు ఎంపిక చేసింది. మొత్తం 31,383 మెయిన్స్‌ పరీక్షలకు అర్హత సాధించారు. మొదటి రోజు పరీక్షకు 22, 744 మంది మాత్రమే హాజరయ్యారు. ఆ తర్వాత రోజు నుంచి సంఖ్య ఇంకా తగ్గుతూ వచ్చింది. ఇప్పటివరకు మెయిన్స్‌ పరీక్షలు ప్రశాంతంగా సాగగా.. కాపీయింగ్‌కు పాల్పడిన వారిని డిబార్‌ చేసినట్లు టీజీపీఎస్సీ ప్రకటించింది.