సీఎంకు తృటిలో తప్పిన పెను ప్రమాదం

కేరళ ముఖ్యమంత్రి పినరయి విజయన్‌ కాన్వాయ్‌కి ప్రమాదం జరిగింది. తిరువనంతపురంలోని వామనపురంలో ఓ కార్యక్రమానికి రోడ్డు మార్గంలో వెళ్లి వస్తుండగా స్కూటర్ సీఎం కాన్వాయ్‌‌కి అడ్డు వచ్చింది. దీంతో ముందు వాహన అత్యవసరంగా బ్రేకులు వేయడంతో ముఖ్యమంత్రి కారుతో పాటు కాన్వాయ్ లోని ఐదు వాహనాలు ఒకదానినొకటి ఢీకొన్నాయి.

ఈ ప్రమాదంలో ఐదు ఎస్కార్ట్ వాహనాలు ధ్వంసం కాగా.. సీఎం పినరయి విజయన్‌కు ఏమి కాకపోవడం అందరూ ఊపిరి పీల్చుకున్నారు. అక్కడే ఉన్న సీసీటీవీ కెమెరాల్లో రికార్డ్ కావడంతో అవి కాస్తా ప్రస్తుతం సోషల్ మీడియాలో వైరల్ అవుతున్నాయి. ఇక ఈ ప్రమాదంలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. ఈ ఘటనపై అధికారులు దర్యాప్తు చేస్తున్నారు. ప్రమాదానికి గల కారణాలను తెలుసుకునేందుకు ప్రయత్నాలు చేస్తున్నారు.