పాక్ టీ-20 టీం నుంచి ఫ‌ఖ‌ర్ జ‌మాన్ అవుట్‌!

మోకాలి గాయంతో ఫఖర్ జమాన్ ను టీ-20 ప్రపంచ కప్ నుండి తొల‌గించారు. ఫ‌ఖ‌ర్‌ను టోర్నమెంట్‌కు ఎంపిక చేయ‌డంలో రిస్క్ తీసుకున్నట్లు పాక్ జ‌ట్టు అంగీకరించిన నేప‌థ్యంలో ఆదివారం రోజు నెదర్లాండ్స్‌తో జరిగిన మ్యాచ్‌లో మోకాలి గాయంతో ఆస్ట్రేలియాకు వచ్చాడు. దక్షిణాఫ్రికాతో తప్పనిసరిగా గెలవాల్సిన ఎన్‌కౌంటర్‌లో, అలాగే ఈ వారం చివర్లో బంగ్లాదేశ్‌తో జరిగే చివరి గ్రూప్ మ్యాచ్‌లో పాకిస్తాన్ జ‌ట్టులో చోటు ఉండ‌దు. అతని స్థానంలో మ‌హ్మ‌ద్‌ హారీస్ ఎంపికయ్యాడు.

నెదర్లాండ్స్ మ్యాచ్‌కు ముందు  భారత్‌, జింబాబ్వేపై ఫ‌ఖ‌ర్ పేల‌వ‌మైన ఆట తీరు ప్ర‌దర్శించాడు. నెదర్లాండ్స్ మ్యాచ్‌లోనూ 16 బంతుల్లో 20 పరుగులు చేశాడు, అయితే ఆట సమయంలో అతని మోకాలికి మరిన్ని సమస్యలు వచ్చాయి. ట్రావెలింగ్ రిజర్వ్‌గా ఉన్న హారీస్‌ను ఫ‌ఖ‌ర్‌ స్థానంలో ICC టెక్నికల్ కమిటీ ఆమోదించింది. "మోకాలి గాయంతో ఫ‌ఖ‌ర్ పూర్తిగా కోలుకోవడానికి కొంత సమయం పడుతుంది" అని పాకిస్తాన్ జట్టు వైద్యుడు నజీబుల్లా సూమ్రో చెప్పారు. ఈ టోర్నమెంట్‌కు ముందు పాకిస్తాన్‌ను గాయాలు బాధించాయి.

దక్షిణాఫ్రికా, బంగ్లాదేశ్‌లపై పాకిస్తాన్ తమ చివరి రెండు గ్రూప్ మ్యాచ్‌లను గెలిచినప్పటికీ, సెమీ-ఫైనల్ లో స్థానం సంపాదించడం ఇతర జ‌ట్ల ఫలితాలపై ఆధార‌ప‌డి ఉంటుంది. గురువారం ద‌క్షిణాఫ్రికాతో జ‌రిగిన మ్యాచ్‌లో వ‌ర్షం కూడా పాక్ ఆశ‌ల‌ను పెంచింద‌నే చెప్పాలి. మొద‌ట బ్యాటింగ్ చేసిన పాక్ ఈ మ్యాచ్‌లో 20 ఓవ‌ర్ల‌కు 185 ప‌రుగులు చేసింది. సౌతాఫ్రికా బ్యాటింగ్‌కు దిగిన 9 ఓవ‌ర్ల‌లో స్లో ర‌న్‌రేట్‌తో ఉండ‌గా వ‌ర్షం అంత‌రాయం క‌ల్పించింది. దీంతో డ‌క్‌వ‌ర్త్ లూయిస్ రూల్ ప్ర‌కారం సౌతాఫ్రికాకు 14 ఓవ‌ర్ల‌కు 142 ప‌రుగుల టార్గెట్ నిర్ణ‌యించారు. పాక్ బౌల‌ర్లు ప్రాణం వొడ్డి బౌలింగ్ చేయ‌డంతో ప‌రుగుల క‌ట్ట‌డి సాధ్య‌మైంది. నిర్ణీత టార్గెట్ చేయ‌డంలో సౌత్ ఆఫ్రికా త‌డ‌బ‌డింది. మొత్తానికి పాక్ అభిమానులు ఈ విజ‌యంతో పండుగ చేసుకున్నారు. నిర్ణీత 14 ఓవ‌ర్ల‌లో ద‌క్షిణాఫ్రికా 9 వికెట్ల న‌ష్టానికి 108 ప‌రుగుల‌కే ప‌రిమిత‌మైంది.