'మహా' ఎన్నికల ఫలితాలపై చంద్రబాబు హర్షం

మహారాష్ట్ర ఎన్నికల ఫలితాలపై ఏపీ సీఎం చంద్రబాబు హర్షం వ్యక్తం చేశారు. ఘన విజయం దిశగా దూసుకెళ్తున్న మహాయుతి కూటమికి ఆయన శుభాకాంక్షలు తెలిపారు. కేంద్ర హోం మంత్రి అమిత్‌షా, మహారాష్ట్ర సీఎం ఏక్‌నాథ్‌ శిండే, డిప్యూటీ సీఎం దేవేంద్ర ఫడ్నవీస్‌కు ఆయన ఫోన్‌ చేశారు. ఎన్నికల్ల ప్రజలు అపూర్వ విజయం కట్టబెట్టారంటూ శుభాకాంక్షలు చెప్పారు.

మహారాష్ట్ర ఎన్నికల్లో మహయుతి కూటమి భారీ విజయం దిశగా దూసుకెళ్తున్నది. ఇప్పటివరకు వెల్లడైన ఫలితాల ప్రకారం ఆ కూటమి 220పైగా స్థానాల్లో ఆధిక్యంలో ఉండగా.. మహా వికాస్‌ అఘాడీ 54 చోట్లనే లీడ్‌లో కొనసాగుతున్నది. మహాయుతి కూటమి అధికారంలోకి రావడం ఖాయమని తేలుతుండటంతో చంద్రబాబు శుభాకాంక్షలు చెప్పారు.