Suhas | డిస్ట్రిబ్యూషన్ లోకి దిగిన సుహాస్

దిల్‌రాజు ప్రొడక్షన్స్ బ్యానర్ పై తెరకెక్కుతున్న సినిమా 'జనక అయితే గనక'. శిరీష్‌ సమర్పణలో హర్షిత్‌ రెడ్డి, హన్షిత రెడ్డి నిర్మిస్తున్నారు. సుహాస్‌ హీరోగా నటిస్తున్నాడు. సందీప్‌ రెడ్డి బండ్ల దర్శకుడు. వచ్చే నెల 7న ఈ సినిమా విడుదల కానుంది.

ఈ సినిమా ఫైనల్‌ వెర్షన్‌ ని సుహాస్‌ చూశాడు. సినిమా అతడికి బాగా నచ్చింది. దీంతో ఈ మూవీ బిజినెస్ లో భాగమవ్వాలని నిర్ణయించుకున్నాడు. అందుకే అమెరికా డిస్ట్రిబ్యూషన్ రైట్స్ సొంతం చేసుకున్నాడు.

"ఫైనల్‌ వెర్షన్‌ చూశాను. చాలా బాగా నచ్చింది. వెంటనే నార్త్ అమెరికా రైట్స్ తీసుకున్నాను. పక్కా ఎంటర్‌టైనింగ్‌ సినిమా అవుతుంది. ప్రతి దానికీ లెక్కలు చెప్పే మిడిల్‌ క్లాస్‌ అబ్బాయిగా ఈ సినిమాలో కనిపిస్తాను. తప్పకుండా ప్రేక్షకులు నవ్వుకుంటారు. మా డైరక్టర్‌ చాలా మంచి సినిమా చేశారు. దిల్‌రాజు గారు మంచి సపోర్ట్ అందించారు." అని అన్నాడు సుహాస్.

సంగీర్తన హీరోయిన్ గా నటించిన ఈ సినిమాలో రాజేంద్రప్రసాద్, గోపరాజు రమణ కీలక పాత్రలు పోషించారు. విజయ్ బుల్గానిన్ సంగీతం అందించాడు. ఇప్పటికే 2 పాటలు హిట్టయ్యాయి.