మాస్ లుక్ లో అబ్బవరం.. మరో సాంగ్ రిలీజ్

కిరణ్ అబ్బవరం హీరోగా, సంజన ఆనంద్ హీరోయిన్ గా శ్రీధర్ గాదె దర్శకత్వంలో వస్తున్న సినిమా "నేను మీకు బాగా కావాల్సినవాడిని". కోడి దివ్య ఎంట‌ర్‌టైన్‌మెంట్స్ బ్యాన‌ర్ పై కోడి రామ‌కృష్ణ కుమార్తె కోడి దివ్య దీప్తి ఈ సినిమాను నిర్మిస్తున్నారు. ఎస్ఆర్ కల్యాణమండపం సక్సెస్ తర్వాత కిరణ్ అబ్బవరం, శ్రీధర్ గాదె కలిసి చేస్తున్న ప్రాజెక్టు కావడంతో, ఈ మూవీపై అంచనాలు పెరిగాయి.

రాజావారి రాణిగారు, ఎస్ఆర్ క‌ళ్యాణ‌మండ‌పం లాంటి సినిమాలతో తనకంటూ ఓ ప్రత్యేక గుర్తింపు సంపాదించుకున్న కిరణ్ అబ్బ‌వ‌రం.. ఇందులో చాలా కొత్తగా కనిపిస్తున్నాడు. తాజాగా ఈ సినిమా నుండి "నచ్చావ్ అబ్బాయి" పాట విడుదలైంది. ఈ పాటకు ప్రేక్షకుల నుంచి ఓ మోస్తరు రెస్పాన్స్ వస్తోంది..

మాస్ బీట్ తో సాగే "నచ్చావ్ అబ్బాయి " పాటలో కిరణ్ అబ్బవరం వేసిన స్టెప్పులు ఆకట్టుకుంటున్నాయి. ఎమోషనల్ ఫ్యామిలీ ఎంటర్టైనర్ గా తెరకెక్కనున్న ఈ సినిమాలో కిర‌ణ్ అబ్బ‌వ‌రం మాస్ లుక్ లో అంద‌ర్ని ఆక‌ట్టుకుంటున్నాడు.

ఈ చిత్రానికి మెలోడీ బ్ర‌హ్మ మ‌ణిశ‌ర్మ సంగీతాన్ని అందిస్తున్నారు. ఈ ఆడియోని ల‌హ‌రి ద్వారా మార్కెట్ లోకి తీసుకు వస్తున్నారు. సినిమాలో మొత్తం 6 పాటలున్నాయి. సెప్టెంబర్ 9న ప్రపంచవ్యాప్తంగా ప్రేక్షకుల ముందుకు వస్తోంది ఈ సినిమా.