SreeLeela: శ్రీలీల ఆ సినిమా నుంచి తప్పుకుందా?
SreeLeela: మహేష్-త్రివిక్రమ్ సినిమా నుంచి శ్రీలీల తప్పుకుందా? ఈ గాసిప్ లో నిజం ఎంత?
ఓవైపు ధమాకా సక్సెస్ తో ఎంజాయ్ చేస్తున్న శ్రీలీలపై మరోవైపు పుకార్లు గుప్పుమన్నాయి. దీంతో సక్సెస్ ను ఎంజాయ్ చేయలేక, పుకార్లపై స్పష్టత ఇవ్వలేక ఇబ్బంది పడుతోంది ఈ చిన్నది. ఇంతకీ శ్రీలీలపై వస్తున్న ఆ పుకారు ఏంటో తెలుసా?
మహేష్ బాబు, త్రివిక్రమ్ కాంబినేషన్ లో సినిమా వస్తున్న సంగతి తెలిసిందే. ఈ సినిమాలో పూజా హెగ్డే హీరోయిన్. సెకెండ్ హీరోయిన్ గా శ్రీలీలను తీసుకున్నారు. ఇప్పుడీ సినిమా నుంచి శ్రీలీలను తప్పించారనేది పుకారు
మహేష్ సినిమాలో అవకాశం అంటే నెక్ట్స్ లీగ్ లోకి ఎంటర్ అయినట్టే. అలాంటి అవకాశాన్ని ఏ హీరోయిన్ వదులుకోదు. సెకండ్ హీరోయిన్ అయినప్పటికీ శ్రీలీల ఒప్పుకుంది. కానీ అంతలోనే తనను తప్పించారంటూ పుకార్లు రావడంతో ఉక్కిరిబిక్కిరి అవుతోంది.
అయితే ఈ సినిమా నుంచి శ్రీలీల తప్పుకోలేదని క్లారిటీ వచ్చేసింది. సినిమాలో ఆమె ఉందని, ఆమె పాత్ర చాలా బాగుంటుందంటూ యూనిట్ క్లారిటీ ఇచ్చింది. త్వరలోనే మహేష్ బాబు-త్రివిక్రమ్ సినిమా సెట్స్ లోకి శ్రీలీల జాయిన్ అవుతుంది.