HANU-MAN - షూటింగ్ పూర్తి చేసుకున్న హనుమాన్ మూవీ
HANU-MAN Movie - తేజ సజ్జ హీరోగా నటిస్తున్న సూపర్ నేచురల్ మూవీ హనుమాన్. తాజాగా ఈ సినిమా షూట్ పూర్తయింది.
ప్రశాంత్ వర్మ దర్శకత్వంలో తేజ సజ్జా హీరోగా నటిస్తున్న సినిమా హను-మాన్. తాజాగా ఈ సినిమా షూటింగ్ పూర్తయింది. షూటింగ్ చివరి రోజు అద్భుతమైన లొకేషన్‌ని చూపించే వీడియోని మేకర్స్ షేర్ చేశారు.
ప్రొడక్షన్ పనులు పూర్తి చేయడానికి 130 వర్కింగ్ డేస్ పట్టింది. హను-మాన్ ను భారతదేశంలోని వివిధ ప్రాంతాల్లో షూట్ చేశారు. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి.
ఈ సినిమా టీజర్‌కి యూట్యూబ్‌లో అన్ని భాషల్లో అద్భుతమైన స్పందన వచ్చింది. హనుమాన్ జయంతి నాడు విడుదలైన హనుమాన్ చాలీసా హిట్టయింది.
హను-మాన్ తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్ , జపనీస్‌తో సహా పలు భారతీయ భాషలలో పాన్ వరల్డ్ మూవీగా రిలీజ్ కానుంది. త్వరలోనే విడుదల తేదీని ప్రకటిస్తారు.
హను-మాన్ "అంజనాద్రి" అనే ఊహాత్మక ప్రదేశంలో సెటప్ చేయబడింది. హీరో హనుమంతుని శక్తులను పొంది అంజనాద్రి కోసం ఎలా పోరాడాడనేది సినిమా స్టోరీ. అమృత అయ్యర్ హీరోయిన్ గా నటించగా, వినయ్ రాయ్ విలన్‌గా, వరలక్ష్మి శరత్‌కుమార్ కీలక పాత్రలో కనిపించనున్నారు.