Fear movie | లాంగ్ గ్యాప్ తర్వాత తెలుగులోకి వేదిక
Fear Movie - వేదిక హీరోయిన్ గా నటిస్తున్న తెలుగు సినిమా ఫియర్. ఈ సినిమాతో ఆమె రీఎంట్రీ ఇస్తోంది.
హీరోయిన్ వేదిక చాలామంది తెలుగు ప్రేక్షకులకు తెలియదు. కొంతమంది మరిచిపోయి ఉంటారు కూడా. ఆమె తెలుగులో సినిమాలు చేసి చాలా కాలమైంది. ఆమధ్య డబ్బింగ్ సినిమాలతో వచ్చినా పెద్దగా మెరవలేకపోయింది. ఎట్టకేలకు ఓ స్ట్రయిట్ సినిమా చేస్తోంది ఈ హీరోయిన్. తెలుగు-తమిళ భాషల్లో తెరకెక్కుతున్న ఈ సినిమాకు ఫియర్ అనే టైటిల్ పెట్టారు.
హీరోయిన్ వేదిక లీడ్ రోల్ లో నటిస్తున్న "ఫియర్" మూవీ షూటింగ్ పూర్తి చేసుకుంది. ఈ సినిమాను దత్తాత్రేయ మీడియా బ్యానర్ పై ఏఆర్ అభి నిర్మిస్తున్నారు. సుజాత రెడ్డి, సామ సురేందర్ రెడ్డి కో-ప్రొడ్యూసర్స్ గా వ్యవహరిస్తున్నారు.
సస్పెన్స్ థ్రిల్లర్ కథతో దర్శకురాలు హరిత గోగినేని ఫియర్ మూవీని రూపొందిస్తున్నారు. అరవింద్ కృష్ణ ఓ స్పెషల్ రోల్ లో కనిపించనున్నాడు.
చిత్రీకరణ పూర్తైన సందర్భంగా ఈ సినిమాకు గుమ్మడికాయ కొట్టారు. షూటింగ్ ను ఇలా ప్రారంభించి, అలా సింగిల్ షెడ్యూల్ లో ముగించడం విశేషం. డైరెక్టర్ గా మొదటి సినిమా అయినప్పటికీ, పక్కా ప్లానింగ్ తో షూటింగ్ పూర్తిచేశారు హరిత.
ఈ సినిమా పోస్ట్ ప్రొడక్షన్ కార్యక్రమాలు మొదలయ్యాయి. త్వరలోనే టీజర్ రిలీజ్ చేస్తారు. ఇదొక సస్పెన్స్ థ్రిల్లర్ స్టోరీ. అనూప్ రూబెన్స్ ఈ సినిమాకు సంగీతం అందిస్తున్నాడు.