Good Bad Ugly | అజిత్ సినిమా షూటింగ్ అప్ డేట్స్

అజిత్ కుమార్‌ హీరోగా, మైత్రీ మూవీ మేకర్స్ బ్యానర్ పై తెరకెక్కుతున్న సినిమా ‘గుడ్ బ్యాడ్ అగ్లీ’. ఈ తెలుగు-తమిళ ద్విభాషా చిత్రానికి ఆదిక్ రవిచంద్రన్ దర్శకుడు. రచయిత కూడా ఇతడే. ఇప్పటికే విడుదలైన ఈ సినిమా ఫస్ట్ లుక్ కి మంచి రెస్పాన్స్ వచ్చింది. అజిత్ కుమార్‌ని 3 డిఫరెంట్ లుక్స్ లో ప్రజెంట్ చేసింది.

ప్రస్తుతం హైదరాబాద్‌లో ఈ సినిమా షూటింగ్ శరవేగంగా జరుగుతోంది. ఈ కీలకమైన షెడ్యూల్ లో అజిత్ కుమార్, ఇతర నటీనటులపై కీలకమైన సన్నివేశాలు తీస్తున్నారు. కోలీవుడ్ లో ‘మార్క్ ఆంటోని’ తో విజయాన్ని అందుకున్న అధిక్ రవిచంద్రన్ నుంచి వస్తున్న మలి సినిమా ఇదే.

నవీన్ యెర్నేని, రవి శంకర్ నిర్మిస్తున్న ‘గుడ్ బ్యాడ్ అగ్లీ’ కోసం టాప్ టెక్నికల్ టీం పని చేస్తోంది. ఈ చిత్రానికి దేవిశ్రీ ప్రసాద్ సంగీతాన్ని అందిస్తున్నాడు, అభినందన్ రామానుజం సినిమాటోగ్రఫర్ గా వర్క్ చేస్తున్నాడు.

ఈ చిత్రాన్ని 2025 సంక్రాంతికి విడుదల చేయబోతున్నారు. తమిళ్ తో పాటు, సౌత్ భాషల్లో ఒకేసారి ఈ సినిమా విడుదలకానుంది.