"నీ హృదయంలో నిదురించే...నా ఊహవే నీవు!"

నీ చుట్టూ వెలుగునై

నీ లోపలి ప్రేమ వెల్లువ వలె,

నీ గళంలో సాగే పాటనై

నీ మోవిపైన పలికే రాగమై

నీ మురళిలో మ్రోగే గానమై

సదా నీ హృదిలో మధురంగా

ధ్వనియించే ప్రణయరసధునినై

నీ బాహువులలో మైమరచే

నీ జీవనవాహినినై, సహచరినై

నీ ప్రేమానురాగాల మోహినియై,

నీవెవరో నేనెవరో తెలియని

అగోచర దృగాంచల సన్నిభమై

నీలోనే నిమగ్నమై

నిరతరం నీ తలపులలో

కృష్ణా నీ సన్నిధిలో నేను

- రాచకొండ ఉమ( USA)