రెక్కలు విరుస్తున్న సమాజం (కవిత)

అక్కరకు చేర్చుకుని

అరచేతిలో పెంచాల్చిన బంధాలు

సమాజం దృష్ట్యా

నియమ నిబంధనల పేరుతో

రెక్కలు విరచి

మూలన కూర్చోమంటున్నారు

కలలోనైనా ఇలలోనైనా

ఒక్కరి మార్గ నిర్దేశకంలో

నడవాలే కానీ

స్వీయ ఆలోచనలకు తావు లేదు

స్వవిజయాలకు విలువుండక

ఆడదని అలుసు ఈ సమాజానికి

సమాజంలో ఎత్తిపొడుపులు

గృహంలోన గడపలేని క్షణాలు

ఆశయాలు చంపుకోలేక

ఎదురు నిలిచి ఎదిరించలేక

అన్యాయంగా అంధకారంలో ఉండిపోతున్నాయి ఆడజన్మలు

అవకాశం ఇచ్చి చూడండి

అవధులు దాటి

అడ్డంకులను అధిగమించి

విజయపతాకాన్ని ఎగురవేసి

చిరస్థాయి గా పేరుప్రఖ్యాతులు నిలుపగలరు ఈ నారీమణులు....!!

-కిడాల శివకృష్ణ

(వెంగళ్ళాంపల్లి,నంద్యాల )