ఓ సారి చూడండి ..అంతే! ప్రసన్నభారతి వాట్సప్ ప్రసార సంచిక డా.భట్టిప్రోలు దుర్గాలక్ష్మీ ప్రసన్న స్మారక శోభకృతు ఉగాది కథలపోటీ లో బహుమతిపొందిన కథలను సంతరించుకున్న 25 కథల ‘కథామంజరి’ సంకలనాన్నీ 12మార్చి ఆదివారం ఉదయంహైదారాబాద్ రవీంద్ర భారతి పైడి జయరాజ్ సమావేశ మందిరంలో రచయిత్రి వంజారి రోహిణి నల్లసూరీడు కథాసంపుటి ఆవిష్కరణ సభలో ప్రముఖ కథారచయిత ,నవ్య వారపత్రిక సంపాదకులు శ్రీ ఎ.ఎన్.జగన్నాథ శర్మ ఆవిష్కరించారు .
పోటీ ప్రాయోజకులు డా.బి.ఎస్.ఆర్.ఎస్.ఆంజనేయశర్మ ,ప్రసార సంచిక వ్యవస్థాపకసంపాదకులు సుధామ ,ప్రముఖ రచయితలు శ్రీ ఎం.వి.రామిరెడ్డి ,కృష్ణమూర్తి వంజారి, సాహిత్య ప్రకాశ్, ప్రముఖకవి మౌనశ్రీ మల్లిక్ ,పాత్రికేయులు ఉదయ్ పొట్టిపాడు ,కె.ఎ.మునిసురేష్ పిళ్ళే సాహిత్య అకాడమీ అవార్డు గ్రహీత రచయిత్రి శ్రీమతి కన్నెగంటి అనసూయ ,వంజారి రోహిణి ఈ సభలో పాల్గొన్నారు.
సామాజిక మాధ్యమంలో వాట్సప్ గ్రూప్ గా దృశ్య శ్రవణ పఠన సమ్మిళిత ప్రసారసంచికగా ఓ సారి చూడండి ..అంతే! ప్రసన్నభారతి వాట్సప్ ప్రసారసంచిక చేస్తున్న ప్రయోగాలనూ ,కృషినీ సాహితీవేత్తలు అభినందించారు .మార్చి16 న ద్వితీయ వార్షికోత్సవ సందర్భంగా శుభాకాంక్షలు తెలియచేసారు *